Mužčynskaja seksualnaść pa viersii žančyn 26

Dumki žančyn pra mužčynski imidž. Što padabajecca pryhožamu połu i što nie padabajecca?

Nieparazumieńni va ŭzajemaadnosinach pamiž mužčynami i žančynami adbyvajucca časam praz toje, što adny prosta nie viedajuć, jak spadabacca inšym.

Časam maładym ludziam zdajecca, što prydumany imi toj ci inšy imidž pavinien biezadmoŭna dziejničać na dziaŭčat. Ale tyja tolki paśmiejvajucca. Na dapamohu svaim čytačam-mužčynam vyrašyła pryjści hazieta New York Post, jakaja praviała apytańnie siarod svaich čytačak, kab vyśvietlić, što im padabajecca i što nie padabajecca ŭ mužčynskim abliččy.

Vyśvietliłasia, što 42% apytanych žančyn padabajucca hładka paholenyja mužčyny. Jašče 31% čytačak haziety skazali, što jany addajuć pieravahu «viačerniaj niaholenaści», to bok tak zvanamu «piacihadzinnamu cieniu» na tvarach svaich pryjacielaŭ. Ale nichto z udzielnic daśledavańnia nie skazaŭ, što ŭ zachapleńni ad barady. «Baradatyja mužčyny padobnyja da paciešnych žyvioł», — ličać čytački haziety.

Vielmi jasna pradstaŭnicy pryhožaj pałovy čałaviectva vykazalisia ŭ dačynieńni mužčynskich hrudziej. Tak, 68% amierykanak ličać, što jana pavinna być pakrytaja raślinnaściu, adnak 40% ź ich vykazali mierkavańnie, što jaje było b niadrenna «praredzić», ale tolki źlohku.

«Žudasna nadakučyli namalavanyja va ŭsich modnych časopisach žančynapadobnyja chłopčyki, hładkija, jak žaby», —

pryvodzić New York Post słovy adnoj z čytačak. U paćvierdžańnie hetamu tolki 22% apytanych skazali, što im padabajucca mužčyny, na hrudziach jakich naohuł niama vałasoŭ.

Całkam adnaznačna žančyny vykazalisia ŭ dačynieńni da taho, što «pučki poŭści» nie pavinnyja vyzirać z-za kaŭniara kašuli. Na dumku 55% udzielnic daśledavańnia, «lišnija» vałasy na vierchniaj častcy hrudziej, jakaja prymykaje da šyi, treba vydalać. A jašče 35% miarkujuć, što heta treba rabić z vałasami na śpinie. «Nie tak užo i baluča zrabić epilacyju voskam, — ličyć adna z udzielnic apytańnia. — A vyhlad adrazu robicca značna lepšy».

Važna taksama, u što budzie apranuty pradstaŭnik mocnaj pałovy čałaviectva, jaki choča spadabacca žančynie. Kala 58% zajavili, što niama bolš seksualna pryvabnaha mužčynskaha ŭboru, čym džynsy i futbołka. Jašče 19% udzielnic apytańnia ličać takim kamplekt «kašula i šorty», a 17% zajavili, što prychodziać u zachapleńnie pry vyhladzie mužčyny ŭ kaściumie i pry halštuku. Što datyčyć, naprykład, skuranych štanoŭ, to jany bolš padychodziać rok-zorkam, miarkujuć amierykanki.

Amal paroŭnu padzialiłasia mierkavańnie žančyn u dačynieńni da mužčynskaj nižniaj bializny.

Kala 48% zajavili pra toje, što im padabajucca «zvyčajnyja» mužčynskija majtki, u toj čas jak 46% skazali, što addajuć pieravahu tamu, kab bačyć svajho spadarožnika ŭ «baksiorach», heta značyć, «siamiejnych» majtkach. Nie mienš «dramatyčna» padzialilisia hałasy što da płavak. Jak vyśvietliłasia, lepš za ŭsio, pa mierkavańni 56% žančyn, mužčyny hladziacca ŭ płaŭkach, jakija nahadvajuć doŭhija šorty. Na druhim miescy — 36% — apynulisia «šortapadobnyja» płaŭki, i tolki 2% apytanych zajavili, što im padabajucca spartovyja «bikini».

Padčas apytańnia vyśvietliłasia taksama, što pradstaŭnikam mocnaj pałovy čałaviectva nie varta nasić zanadta karotkija škarpetki ci zavialikija štany, niapravilna padbirać kolery, a taksama nasić «nie pa pryznačeńni» spartovyja płastykavyja tapački z humovaj pieramyčkaj. Na dumku žančyn, taki abutak darečny tolki pry pachodzie ŭ basiejn ci na plaž.

mens.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH