Studentaŭ Biełaruskaha dziaržaŭnaha ŭniversytetu nia buduć adličvać za ŭdzieł u niesankcyjanavanym mitynhu 19 śniežnia ŭ Miensku, ale jany buduć pakaranyja za parušeńnie praviłaŭ unutranaha rasparadku VNU.
Pra heta paviedamiŭ rektar BDU Siarhiej Abłamiejka ŭ svaim videabłohu na aficyjnym sajcie VNU.
«Na žal, na płoščy apynulisia niekatoryja studenty BDU, i my ciapier pravodzim analiz, čamu i jak jany tam apynulisia», — zajaviŭ Abłamiejka.
Rektar paviedamiŭ, što hetyja studenty parušyli praviły ŭnutranaha rasparadku BDU, zhodna ź jakimi jany «abaviazanyja nie ŭčyniać dziejańniaŭ, za jakija praduhledžana administracyjnaja abo kryminalnaja adkaznaść, a taksama naviedvać zaniatki ŭ vyznačanyja terminy i vykonvać patrabavańni, praduhledžanyja prahramami i planami».
Ciapier fakultety sabrali tłumačalnyja va ŭdzielnikaŭ mitynhu i rychtujuć ich da padačy ŭ rektarat, piša BiełaPAN.
Što da pakarańnia, to «heta buduć vymovy ci zaŭvahi», paabiacaŭ rektar BDU Siarhiej Abłamiejka.