Jak paviedamiła NN Taćciana Małaščanka, zabrali dźvie tečki z papierami ab dziejnaści BCHD, 25 fotazdymkaŭ ź siamiejnaha alboma, u tym liku ź Milinkievičam i Sieviaryncam, dyski, drukavanuju pradukcyju.
Ź pieratrusam da siamji Małaščankaŭ, jakija žyvuć u Baranavičach, pryjšli siońnia ranicaj čatyry supracoŭniki KDB. Padstavaj dla pieratrusu stała infarmacyja, što nibyta muž Taćciany Aleh byŭ udzielnikam padziej 19 śniežnia. Žančyna adznačaje, što muža adrazu pačali zapałochvać. Maŭlaŭ, jon užo fihuruje ŭ spravie ab masavych biesparadkach, jon jość na fotazdymkach.
Taćciana pieratrus źviazvaje sa svajoj dziejnaściu u Biełaruskaj chryścijanskaj demakratyi. Jana źjaŭlałasia davieranaj asobaj Vitala Rymašeŭskaha. Chacia adznačaje, što apošnija miesiacy aktyŭnaj pracy nie viała. Žančyna była ciažarnaj: dzieviać dzion tamu jana naradziła dzicia.
Małaščanki — pradprymalniki. Trymajuć nievialikuju kramu.
0
0
0
0
0
0
