Litoŭskija pamiežniki zatrymali radyjeaktyŭnyja drovy ź Biełarusi 3

Litoŭskija pamiežniki nie dazvolili ŭjechać u Litvu ź Biełarusi dvum hruzavym aŭtamabilam, u jakich znachodzilisia radyjeaktyŭnyja drovy.

Radyjeaktyŭny fon pieravyšaŭ normu bolš čym udvaja, paviedamiła Słužba achovy dziaržmiažy Litvy.

Kala poŭnačy ŭ sieradu supracoŭniki zastavy Trybaniaj Varenskaha złučeńnia Słužby achovy dziaržmiažy na KPP Šalčyninkaj zafiksavali, što pry ŭjeździe ź Biełarusi hruzavoha aŭtamabila MAN spracavała stacyjanarnaje radyjacyjnaje vymiaralnaje abstalavańnie.

Pamiežniki zatrymali aŭtamabil, jaki vioz drovy i za rulom jakoha znachodziŭsia 25-hadovy hramadzianin Biełarusi. Jany praviali dadatkovuju pravierku aŭtamabila pry dapamozie pieranosnych radyjacyjnych vymiaralnych pryładaŭ, a taksama vyśvietlili, što ŭzrovień ijanizavalnaha vypramieńvańnia hruzu dasiahaje prykładna 50 mikrarenthien u hadzinu. Dapuščalny fon — 20 mikrarenthien.

Mienš čym praz hadzinu na KPP Šalčyninkaj padjechaŭ jašče adzin hruzavik MAN, za rulom jakoha byŭ 26-hadovy hramadzianin Biełarusi. U hruzaviku taksama byli drovy. Iznoŭ spracavaŭ stacyjanarny vymiaralnik radyjacyi, a pry dapamozie pieranosnych vymiaralnikaŭ było vyśvietlena, što radyjacyjny fon hruzu taksama składaje 50 mikrarenthien.

Było pryniataje rašeńnie nie dazvolić uvozić u Litvu hety hruz.

0

0

0

0

0

0

Chartyja'97

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH