Abjom źniešniaha handlu tavarami ŭ studzieni 2011 hoda skłaŭ 4039,8 młn. USD, pavialičyŭšysia na 11,9% u paraŭnańni z studzieniem minułaha hoda. Ekspart tavaraŭ źniziŭsia na 13,1% i skłaŭ 1568,6 młn. USD, impart tavaraŭ vyras na 36,7% da 2471,2 młn. USD.
Hetyja źviestki apublikavaŭ Biełstat. Pry hetym z ahulnaha abjomu ekspartu pastaŭki ŭ krainy SND skłali 980,8 młn. USD, pavialičyŭšysia na 36,2% u paraŭnańni z studzieniem 2010 hoda. Ekspart u Rasieju vyras na 45% da 797,4 młn. USD. Ekspart u krainy pa-za SND źniziŭsia na 45,8% i skłaŭ 587,8 młn. USD.
U ahulnym abjomie impartu pastaŭki z krain SND skłali 1327,2 młn. USD, pavialičyŭšysia na 5,8%. U tym liku, abjom impartu z Rasiei pavialičyŭsia na 2,4% i skłaŭ 1179,2 młn. USD. Z krain pa-za SND Biełaruś pavialičyła impart ŭ 2,1 razy da 1144,0 młn. USD.
Admoŭnaje salda ŭ handli Biełarusi z krainami SND skłała 346,4 młn. USD (suprać 534,0 młn. USD u studzieni 2010 hoda), u handli z Rasiejaj - 381,8 młn. USD (suprać 601,3 młn. USD). U handli z krainami pa-za SND taksama skłałasia admoŭnaje salda, jakoje skłała 556,2 młn. USD (u toj čas jak u minułym hodzie jano było stanoŭčym u pamiery 531,3 młn. USD).
Takoje vialikaje admoŭnaje salda było, mahčyma, vyklikana pierabojami ŭ pastaŭkach rasijskaj nafty. U vyniku jaho Biełarusi była vymušana spynić ekspart naftapraduktaŭ, jakija składajuć asnoŭnuju častku ekspartu.
