Uta Capf, kiraŭnik rabočaj hrupy pa Biełarusi Parłamienckaj Asamblei ABSIE, a taksama namieśnik mižnarodnaha sakratara frakcyi SPD ŭ Bundestazie, apublikavała na sajcie
U artykule Uta Capf apisvaje situacyju ŭ Biełarusi paśla vybaraŭ i robić akcent na tym, što da kandydata ŭ prezidenty Mikałaja Statkieviča ad śniežnia nie dapuskali advakata, da niekatorych źniavolenym da hetaha času nie dapuścili advakataŭ, u Biełarusi idzie cisk na advakataŭ palityčnych źniavolenych, ich pazbaŭlajuć licenzij. Jana zhadvaje pra toje, jak kandydat u prezidenty Aleś Michalevič padrabiazna raspavioŭ ab katavańniach, jakija ŭžyvajucca da jaho ŭ KDB. Ciapier jon znachodzicca ŭ Čechii, dzie paprasiŭ palityčnaha prytułku.
Jana jašče raz raspaviadaje čytačam pra toje, što kandydat u prezidenty Uładzimir Niaklajeŭ byŭ źbity, i jaho zabrali z balnicy, nie akazaŭšy jamu miedycynskaj dapamohi, ciapier jon pad chatnim aryštam. Taksama Capf zhadvaje dakład arhanizacyi Human Rights Watch ab stanie pravoŭ čałavieka ŭ Biełarusi, u jakim adlustravany niebyvałych razmach represij suprać NDA, pravaabaroncaŭ, žurnalistaŭ, studentaŭ i prychilnikaŭ demakratyčnych kandydataŭ u prezidenty.
Jana nazvała prysudy pa spravach zatrymanych 19 śniežnia «vielmi žorstkimi». Uta Capf zaklikaje akazvać dapamohu achviaram represij i nadaje vialikaje značeńnie mižnarodnamu nazirańniu za padziejami ŭ Biełarusi.
