KCHP-BNF: «U hetych umovach nie majem prava zaklikać da ŭdziełu ŭ vuličnych mierapryjemstvach» 62
Kiraŭnictva Kansiervatyŭna-Chryścijanskaj partyi-BNF pryniało zvarot da suajčyńnikaŭ z nahody Dnia Voli.
Kiraŭnictva Kansiervatyŭna-Chryścijanskajpartyi-BNF pryniało zvarot da suajčyńnikaŭ z nahody Dnia Voli, u jakim zaklikała dałučacca da ruchu «Vybary biaz Łukašenki».
Adznačajučy, što 93 hady tamu «našyja prodki abjavili ab niezaležnaści Biełaruskaj Narodnaj Respubliki, adkryli šlach biełaruskamu narodu da dziaržaŭnaha budaŭnictva i nacyjanalnaha adradžeńnia», a ŭ «histaryčnych varunkach raspadu SSSR biełaruski narod, majučy napieradzie zmahańnia svoj avanhard — Biełaruski Narodny Front, adnaviŭ niezaležnaść krainy 25 žniŭnia 1991 hoda», KCHP-BNF źviartaje ŭvahu, što «niepryjacieli biełaruskaha naroda nie žadali roskvitu Biełarusi. Im udałosia ŭstalavać u našaj krainie antybiełaruski ŭładny režym. Varožy da biełarusaŭ charaktar hetaha režymu dobra viadomy. Niadaŭnija padziei ŭ krainie, što byli źviazanyyja z čarhovaj prezidenckaj kampanijaj pakazali: u režyma niama minimalnych maralnych normaŭ i prystojnaści, pavahi da zakonu. Užyŭšy hrubuju siłu suprać mirnaha cyvilnaha nasielnictva, jon pravodzić cyničnyja sudziliščy nad pabitymi i źniavažanymi ludźmi, vystaŭlajučy suprać ich absurdnyja i ździeklivyja abvinavačańni».
U zvarocie havorycca, što Kansiervatyŭna-ChryścijanskajPartyi-BNF pa nadumanaj pryčynie admoŭlena ŭ praviadzieńni śviatočnych mierapryjemstvaŭ na vulicach Minsku.
«My ličym, što ŭ hetych umovach nie majem prava zaklikać biełarusaŭ da ŭdziełu ŭ masavach vuličnych mierapryjemstvach, padstaŭlać ludziej pad represii zbrojnych akupantaŭ. My viedajem, pryjdzie dzień, kali ŭ volnaj Biełarusi volna zahučyć hołas biełarusa i ŭ śviatočnyja i ŭ budzionnyja dni na płoščach i vulicach našych haradoŭ i viosak. Budziem ža jadnacca ŭ zmahańni, źbirać siły i nacyjanalnaj pracaj nabližać hety dzień… Zaklikajem sapraŭdy pa-śviatočnamu adznačyć hety dzień, pavinšavać rodnych i znajomych, uskłaści kvietki da pomnikaŭ vydatnych ludziej Biełarusi, pieradać svoj śviatočny nastroj inšym ludziam… Zaklikajem złučacca ŭ „Ruch za novyja vybary biez Łukašenki“, stvarać supołki Ruchu, siońnia rychtavać budučyniu krainy», — havorycca zvarocie kiraŭnictva KCHP-BNF z nahody 93-j hadaviny BNR.
