Roŭna hod tamu ŭrad Bielhii na čale ź Ivam Latermam abviaściŭ ab svajoj adstaŭcyz-za kanfliktu pamiž vałonskaj i fłamandskaj supołkami ŭ krainie. Bielhija stała adzinaj u śviecie krainaj, jakaja praviała hod biez ŭrada, za što i trapiła ŭ Knihu rekordaŭ Hiniesa.
«I ŭsio ž taki jana krucicca», — pad takim zahałoŭkam vyjšaŭ artykuł u haziecie «Suar». Urada niama, ale žyćcio praciahvajecca. V.a. premjera Laterm za minuły hod pryniaŭ ceły šerah važnych dla krainy rašeńniaŭ. Pravioŭ bielhijskaje staršynstva ŭ ES, sfarmavaŭ prajekt biudžetu i navat dałučyŭ Bielhiju da mižnarodnaj kaalicyi ŭ Livii.
Lidar nacyjanalistyčnaha fłamandskaha nacyjanalnaha aljansu Bart de Vievier, jaki pieramoh na apošnich rehijanalnych vybarach u Fłandryi, zaklikaje ŭsich «być kanstruktyŭnymi», ale sam i słuchać nie choča lidara frankafonnaj Sacpartyi Elijo dy Rupa, jakoha karol pryznačyŭ na pasadu kaardynatara pracesu farmiravańnia kabinieta.
Elijo dy Rupo, praŭda, upadabaŭ reciravacca ad vykanańnia funkcyj, zajaviŭšy, što nie choča ŭdzielničać u «razbureńni Bielhii».
Nu, a prostym bielhijcam zastajecca tolki nabracca ciarpieńnia i nie stracić ułaścivaha im pačućcia humaru.
