Chaču vykazacca nakont Fiaduty. Škaduju, što nia trapiła na prezentacyju jahonaj knihi. Nie, ja nia budu paminać 1994 hod. Chopić! Ale jak zrazumieć jahonyja zakliki da supracoŭnictva z Łukašenkam? Niejak Fiaduta skazaŭ, što jon nie taki mocny, kab zmahacca z AMONaŭcami, i nie taki chutki, kab ad ich biehać. Voś mnie i zdajecca, što ŭsie jahonyja zakliki – heta prapanovy nia vielmi mocnaha i nia vielmi chutkaha čałavieka. A jon pytaŭ u tych chłopcaŭ, jakim razdaje parady, ci žadajuć jany mieć spravy z Łukašenkam i jahonym «kamandas»? Ci ŭ matul, u jakich dzieci siadziać za kratami ni za što? A moža, Fiaduta znoŭ spadziajecca być lalkavodam, torhać za nitki? Zdajecca, jon škadavaŭ, što nia byŭ u Sakaviku na płoščy, tut ja ź im salidarna – treba bližej paznajomicca ź biełaruskim AMONam i asabliva z tymi pačvarami, jakich spuścili na moładź u apošniuju noč.
Zaadno chaču vykazać vialikuju padziaku Vitalu Tarasu. Hety čałaviek dapamahaje mnie ŭ žyćci bolej, čym ułasny muž. Jak tolki mnie niešta baluča kole i čaplaje, to ŭžo ŭ nastupnym numary «NN» źjaŭlajecca jahony artykuł z pytańniami, jakija mianie chvalavali. Samaje cikavaje, što na 90–98% ja ź im zhodnaja. I stanovicca lahčej dychać siarod «bałotnaha durmanu». Daj Boh hetamu čałavieku zdaroŭja! I kab nia straciŭ jon analityčnych zdolnaściaŭ.
Šmat ab čym jašče chaciełasia b vykazacca. Ale rajać adychodzić ad stała nie najeŭšysia.
