Pałata pradstaŭnikoŭ Nacyjanalnaha schodu 14 śniežnia pryniała ŭ druhim čytańni zakonaprakt ab papraŭkach u Kodeks ab administracyjnych pravaparušeńniach pa pytańniach adkaznaści za mytnaje pravaparušeńnie.
Jak paviedamiŭ na plenarnaj siesii parłamienta člen Pastajannaj kamisii pa mižnarodnych spravach i suviaziach z SND Alaksandr Hudkoŭ, u kodeks praduhledžvajecca ŭvieści normu, u adpaviednaści ź jakoj pry niezakonnym pieramiaščeńni tavaraŭ praz mytnuju hranicu Biełarusi ŭ transpartnym srodku sa śpiecyjalna abstalavanymi tajnikami kanfiskacyja transpartnaha srodku pravodzicca tolki ŭ tym vypadku, kali košt hruzu, što pieravozicca, pierasiahaje 40 bazavych vieličyń. Tym samym artykuł 14.4 Kodeksa ab administracyjnych pravaparušeńniach ad 21 krasavika 2003 hoda pryvodzicca ŭ adpaviednaść z ukazam prezidenta Biełarusi ad 2 červienia 2006 hoda numar 367 "Ab administracyjnaj adkaznaści za ŭtojvańnie ad mytnaha kantrolu tavaraŭ, što pieramiaščajucca praz mytnuju hranicu Respubliki Biełaruś".
Jak rastłumačyŭ Alaksandr Hudkoŭ, uviadzieńnie kryteryju 40 bazavych vieličyń daje mahčymaść raździalić administracyjnuju adkaznaść za pieramiaščeńnie niaznačnych i bujnych partyj tavaraŭ praz mytnuju hranicu, jakoje ŭčyniajecca z utojvańniem ad mytnaha kantrolu. Akramia taho, u zakonaprajekcie prapanujecca aznačeńnie paniaćcia "tajnik", što budzie sadziejničać pravaachoŭnym orhanam u adnolkavaj kłasifikacyi vyjaŭlenaha pravaparušeńnia
