Pra toje, što hałoŭny redaktar časopisu «Rodnaje słova» Michał Šavyrkin byŭ źniaty z pasady, kalektyvu časopisu 15 śniežnia ŭranku paviedamiŭ daradca ministra adukacyi pa suviaziach ź ŚMI Viktar Iŭčankaŭ. Aficyjnaja farmuloŭka hučała jak «zvalnieńnie pa zhodzie bakoŭ». Sam sp. Michał tłumačyć heta ŭmiašańniem kiraŭnictva praŭładnaha Sajuzu piśmieńnikaŭ: «Vidać, hetym spadaram vielmi chaciełasia drukavacca ŭ časopisie. Ale «Rodnaje słova» drukuje tolki piśmieńnikaŭ, čyje tvory jość u školnaj prahramie».
Sioleta ŭ časopisie źjaŭlalisia tvory Hienadzia Buraŭkina, Uładzimiera Niaklajeva, Siarhieja Zakońnikava i inšych vydomych svajoj niezaležnaściu tvorcaŭ.
Michał Šavyrkin byŭ hałoŭnym redaktaram časopisu 19 hadoŭ, ad samaha momantu jaho zasnavańnia. Jon zastaniecca supracoŭnikam redakcyi. Vykanaŭcam abaviazkaŭ hałoŭnaha redaktara pryznačanaja Łarysa Sahanovič.
