U suviazi z chvarobaj sudździ.
Data i čas buduć paviedamlenyja dadatkova.
Nahadajem, što 18 maja prakuror Leninskaha suda zapatrabavaŭ zasudzić eks-kandydataŭ u prezidenty Mikałaja Statkieviča i Dźmitryja Usa na 8 i 7 hadoŭ kałonii, Alaksandra Kłaskoŭskaha (pa sukupnaści złačynstvaŭ) — da vaśmi z pałovaj hadoŭ pazbaŭleńnia voli ŭ kałonii ŭzmocnienaha režymu; Alaksandra Kviatkieviča, Dźmitryja Bułanava, Andreja Paźniaka i Arcioma Hrybkova — da čatyroch hadoŭ pazbaŭleńnia voli ŭ kałonii ŭzmocnienaha režymu. Dźmitryja Usa było prapanavana ŭziać pad vartu prosta ŭ zale suda, pakolki jon nie znachodziŭsia ŭ turmie.
***
Siońnia ŭ sudzie Frunzienskaha rajona stalicy čakajecca vyniasieńnie prysudu eks-kandydatam u prezidenty Uładzimiru Niaklajevu i Vitalu Rymašeŭskamu, čalcam vybarčaha štaba Niaklajeva Andreju Dźmitryjevu, Alaksandru Fiadutu, Siarhieju Vaźniaka, hramadskaj dziajačcy Naście Pałažancy. Jany abvinavačvajucca ŭ arhanizacyi i padrychtoŭcy dziejańniaŭ, jakija hruba parušajuć hramadski paradak, abo ŭ aktyŭnym udziele ŭ ich.
Dziaržabvinavačańnie prasiła sud pryhavaryć Uładzimira Niaklajeva da troch hadoŭ pazbaŭleńnia voli z adterminoŭkaj na dva hady;
Vitala Rymašeŭskaha — da dvuch hadoŭ pazbaŭleńnia voli ŭmoŭna z vyprabavalnym terminam na dva hady;
Andreja Dźmitryjeva, kiraŭnika vybarčaha štaba Niaklajeva, — da troch hadoŭ pazbaŭleńnia voli ŭmoŭna z vyprabavalnym terminam na dva hady;
Alaksandra Fiadutu, davieranuju asobu Niaklajeva, — da dvuch hadoŭ pazbaŭleńnia voli ŭmoŭna z vyprabavalnym terminam na dva hady;
Siarhieja Vaźniaka, davieranuju asobu Niaklajeva, — da dvuch hadoŭ pazbaŭleńnia voli ŭmoŭna z vyprabavalnym terminam na dva hady;
Nastu Pałažanku, davieranuju asobu Rymašeŭskaha, — da 1,5 hoda pazbaŭleńnia voli ŭmoŭna z vyprabavalnym terminam na hod.
***
Pa stanie na ranicu 20 maja pa spravie Płoščy byli asudžanyja 30 čałaviek
14 maja ŭ sudzie Partyzanskaha rajona Minska byŭ abvieščany prysud
Eks-kandydat u prezidenty Andrej Sańnikaŭ atrymaŭ 5 hadoŭ kałonii ŭzmocnienaha režymu, Aleh Hniedčyk -- na 3,5 hoda, Ilja Vasilevič, Fiodar Mirzajanaŭ, Uładzimir Jaromienak— na try hady kałonii ŭzmocnienaha režymu.
Pieršym pa spravie za Płošču byŭ asudžany Vasil Parfiankoŭ, jaki atrymaŭ čatyry hady pazbaŭleńnia voli ŭ kałonii strohaha režymu; Alaksandr Atroščankaŭ — da čatyroch hadoŭ u kałonii ŭzmocnienaha režymu; Mikita Lichavid — da troch z pałovaj hadoŭ pazbaŭleńnia voli, Dźmitryj Novik i Alaksandr Małčanaŭ — da troch z pałovaj i troch hadoŭ u kałonii ŭzmocnienaha režymu adpaviedna; hramadzianie RF Arciom Breus i Ivan Haponaŭ — da štrafu ŭ 300 bazavych vieličyniaŭ (10,5 młn. rubloŭ) kožny; Dźmitryj Miadźviedź — da troch hadoŭ abmiežavańnia voli biez nakiravańnia ŭ papraŭčuju ŭstanovu. Aleś Kirkievič asudžany na 4 hady źniavoleńnia, Pavieł Vinahradaŭ — na 4 hady, Andrej Pratasienia — 3 hady, Źmicier Drozd — na 3 hady, Uładzimir Chamičenka — 3 hady.
Uładzimir Łoban asudžany da 3 hod pazbaŭleńnia voli, Andrej Fiedarkievič — da 3,5, Jaŭhien Sakret — da 3, Siarhiej Kazakoŭ — da 3, Dźmitryj Daronin — da 3,5 hadoŭ u kałonii ahulnaha režymu, Vital Macukievič — da 3 hadoŭ kałonii stroha režymu.
Za padrychtoŭku dziejańniaŭ, što parušajuć hramadski paradak (art. 342), na 2 hady kałonii ahulnaha režymu byŭ asudžany kaardynatar «Jeŭrapiejskaj Biełarusi» Źmicier Bandarenka.
Pavieł Sieviaryniec byŭ asudžany na try hady abmiežavańnia voli z nakiravańniem u miesca adbyćcia pakarańnia (h.zn. chimii), žonka Andreja Sańnikava, žurnalistka Iryna Chalip na dva hady abmiežavańnia voli z adterminoŭkaj na dva hady, taki ž termin atrymaŭ i kiraŭnik štaba Mikałaja Statkieviča Siarhiej Marcaleŭ.
Aproč taho, za złosnaje chulihanstva byli taksama asudžanyja Źmicier Daškievič i Eduard Łobaŭ — na dva i čatyry hady pazbaŭleńnia voli adpaviedna. Ich zatrymali 18 śniežnia, za dzień da prezidenckich vybaraŭ.
