Alaksandr Łukašenka raskazaŭ intymnyja padrabiaznaści svajho žyćcia, adkazvajučy na pytańnie studentki Jeŭrazijskaha nacyjanalnaha univiersiteta (JENU) u Astanie 25 traŭnia.
«Kali ŭ mianie pytajucca, jak prezident śpić, to ja kažu, što, moža, vy jašče spytajecie, z kim śpić? Ja vam adkažu. Z telefonami. Televizar, telefony… Prosta ŭ spalni na tumbačkach. A raptam ministru zamiežnych spravaŭ treba terminova vyrašyć pytańnie. Nu, jon niačasta telefanuje. Moža, takich nadzvyčajnych pytańniaŭ nie było. A ministr abarony? Ty hałoŭnakamandujučy ŭzbrojenymi siłami. A nie daj boh, zdaryłasia, jak u nas u mietro apošnim časam?», — padzialiŭsia padrabiaznaściami prezidenckaha hrafika Łukašenka.
Mienavita ŭ takich vypadkach rola prezidenta, na jaho dumku, vychodzić na pieršy płan, i kiraŭnik krainy pavinien biez vahańniaŭ «iści, nie bajučysia, što ciabie mohuć zastrelić ci ty možaš kudyści trapić, u niejkuju situacyju». «Tamu niama hetaha zvykłaha hrafika, zvykłaha dla ludziej», — skazaŭ na zakančeńnie jon.
Pracoŭny dzień Łukašenki, pa jaho ŭłasnych słovach, pačynajecca z telefonnych pieramovaŭ, dakładaŭ padnačalenych, prahladu navin i analizu drukavanych ŚMI. Usio heta praciahvajecca da poŭdnia.
«Asabliva ciapier dla mianie heta vielmi važna.
Brazhočuć zuschodu-zachadu kožny dzień. Voś takaja zavirucha», — panarakaŭ Alaksandr Łukašenka.
A dalej pa hrafiku pačynajucca narady z udziełam kiraŭnika dziaržavy. Jany, pa słovach Łukašenki, prachodziać «z
Paśla publičnych mierapryjemstvaŭ prezident Biełarusi ŭ svajoj zaharadnaj rezidencyi prymaje «niejkich biznesoŭcaŭ, niejkich siabroŭ, vorahaŭ».
«U hetaj zvyčajnaj zavirusie treba znajści čas, kab patreniravać chakiejnuju kamandu.Davodzicca znachodzić čas, kab zajmacca sportam, dzieści siekčy drovy, heta taksama fizičnyja praktykavańni, kasić travu, heta taksama vielmi karysna, chto ź vioski, mianie padtrymaje, biehać na łyžach, łyžarolerach. A jašče ŭ mianie ž siem hadoŭ chutka pacanionku budzie, mnie ž jaho treba navučyć usiamu hetamu», — z uśmieškaj raskazaŭ pra baćkoŭskija abaviazki Łukašenka.
A zaviaršyŭ jon svajo apaviadańnie zaprašeńniem u Biełaruś studentki, jakaja zadała pytańnie.
Jaje čakajuć kaśba, rubka drovaŭ i inšyja fizičnyja praktykavańni ŭ kampanii z Alaksandram Łukašenkam. A paśla kupańnie ŭ voziery.
