Na kaniec červienia zapłanavany pryjezd u Biełaruś vialikaj hrupy jeŭrapiejskich žurnalistaŭ. U prahramie vizitu sustrečy z pradstaŭnikami ŭrada, miž inšym, z kiraŭnikom prezidenckaj administracyi Uładzimiram Makiejem.
Jak paviedamlaje radyjo «Racyja», pajezdku žurnalistaŭ z Polščy kaardynuje Jeŭrapiejski centr hieapalityčnych daśledavańniaŭ. Staršynia centra Marcin Damahała adznačyŭ, što prapanova vyjšła ad biełaruskaha partniora «Ekoom», i što niavyklučana, što ź niekatorymi žurnalistami sustreniecca Łukašenka:
— Hetaja pajezdka finansujecca biełaruskim bokam — kožnamu žurnalistu my pra heta paviedamili, jak i pra toje, što pajezdka takaja adbudziecca. My zapytvali pra achvotnych. Biełaruski bok choča pradstavić svaju racyju. U hetaj pajezdcy ŭdzielničajuć žurnalisty z Polščy, Niamieččyny, Francyi, ale chto piersanalna, dyk mnie nieviadoma. My supracoŭničajem z centram «Ekoom», jaki dafinansoŭvaje ŭsiu pajezdku.
Nahadajem, što centr «Ekoom», jaki ŭznačalvaje Siarhiej Musijenka, — taja samaja struktura, jakaja padčas prezidenckich vybaraŭ pravodzić