Za dva dni da kancerta arhanizatary niečakana paviedamili, što mierapryjemstva 28 maja nie adbudziecca.
Jak skazaŭ arhanizatar festu Uładzimir Šablinski, «u suviazi ź vialikaj kolkaściu pradadzienych kvitkoŭ na kancert uźnikła nieabchodnaść dadatkovaha ŭzhadnieńnia praviadzieńnia mierapryjemstva ź miascovymi ŭładami». Pakul pieranieśli na 11 červienia.
«Kancert na travie» zajaŭlaŭsia jak mini-festyval. Ad 17 hadzinaŭ u subotu na chutary Šabli, što na Vałožynščynie, musiła pačacca vialikaja muzyčnaja dzieja. Płanavałasia, što mienavita ŭ hety dzień hurt «Krambambula» pradstavić słuchačam svaju novuju prahramu «Drabadzi-drabada», a hurt «J:mors» syhraje novuju prahramu «Mnoho nieba». Čakalisia vystupleńni hurtoŭ «Bostonskoje Čajepitije», «9 millimietr», Dali, Cola-Manola, «Jo-Jo», Alaksandar Pamidoraŭ i Lavon Volski z solnaj prahramaj «Biełaja jabłynia hromu».
