Z 7 pa 10 červienia ŭ ramkach Dzion kultury Šviecyi ŭ kinateatry «Centralny» (pr. Niezaležnaści, 13) projdzie Fiestyval šviedskaha kino.
7 červienia
«Dziaŭčynka»
Mieładrama. 2009 h. 96 chv. Režysior Fredryk Edfielt.
Na adnym chutary 10-hadovaja dziaŭčynka (Błanka Enhstrom) robić pieršyja kroki ź dziacinstva ŭ śviet darosłych. Kali baćki adjazdžajuć pracavać u Afryku pa dabračynnym prajekcie, jana bavić leta ŭ svajoj bahiemnaj ciotuchny. Ale na ciotku nielha raźličvać, tamu kali jana vypraŭlajecca ŭ vandroŭku pad vietraziem z čarhovym znajomcam, dziaŭčynka vyrašaje pakłapacicca pra siabie sama. Tut pačynajecca trahičnaje i poŭnaje humaru padarožža, jakoje rychtuje joj šmat vyprabavańniaŭ. Praz svaich susiedziaŭ i vypadkovych sustrečnych jana adkryvaje dla siabie absurdny i žorstki śviet darosłych. Hublajučy suviaź z rečaisnaściu, jana ŭsio bolš i bolš dystancyjujecca ad źniešniaha śvietu, ale ŭsio ž znachodzić vyratavańnie ŭ svaim ułasnym śviecie — śviecie knižak, letucieńniaŭ, malunkaŭ i ekśpierymientaŭ.
8 červienia
«Padparadkavańnie»
Dakumientalny film. 2010 h. 87 chv. Režysior Stefan Jarł.
«Tryccać hod tamu ja pačaŭ zdymać dakumientalnuju stužku, jakuju tady płanavaŭ nazvać “Pomsta pryrody” (Naturens hämnd) i jakaja raskazvała pra toje, jak ludzi manipulujuć pryrodaj i jak pryroda nanosić udar u adkaz. Z taho dnia ja metanakiravana źbiraŭ materyjał dla novaj stužki na hetuju samuju temu, adnak značna bolšuju za “Pomstu pryrody, častka 2”. “Padparadkavańnie” — heta dakumientalny film pra “chimičnaje hramadstva” — hramadstva, jakoje my budujem, pačynajučy z Druhoj suśvietnaj vajny.Tady čałaviectva vykarystoŭvała 1 miljonaŭ ton chimikataŭ štohod, a na siońniašni dzień ličba składaje 500 miljonaŭ ton. Chimičnaja pramysłovaść raźvivajecca samymi chutkimi tempami ŭ śviecie. Hety film pra 100 000 chimičnych rečyvaŭ, jakimi my karystajemsia štodnia, pra toje, dla čaho jany słužać i što jany robiać z nami i našym zdaroŭjem. Ja nie maju na ŭvazie charčovyja dadatki — ja kažu pra tyja chimičnyja rečyvy, jakija ŭździejničajuć na nas u štodzionnym asiarodździ: vadkaści dla pałaskańnia (ftałaty), inhibitary hareńnia (PBDE), paviarchoŭna-aktyŭnyja rečyvy (PFOS, PFOA) i h.d. Prafiesar Okie Bierhman sa Stakholmskaha ŭniviersiteta źjaŭlaŭsia maim pravadnikomm na praciahu ŭsiaho filma: jon analizavaŭ chimičny skład majoj kryvi i tłumačyŭ, što za chimičnyja rečyvy tam prysutničaujuć. Jak vyśvietliłasia, u majoj kryvi niekalki socień inšarodnych chimičnych rečyvaŭ. Nie mahu schavać svoj šok», — raskazvaje režysior filma Stefan Jarł.
9 červienia
«Dobraachvotna-prymusova»
Drama. 2008 h. 98 chv. Režysior Rubien Estłund.
Siabroŭki-školnicy lubiać hamanić ni ab čym, vypivać i fatahrafavacca ŭ kampramietujučych pozach. Chłopcy taksama nie suprać vypić i paekśpierymientavać z seksam... Małady školny nastaŭnik sprabuje dapamahčy adnamu sa svaich vučniaŭ, ź jakoha kpić inšy nastaŭnik... Niekalki pasažyraŭ vypadkova apynajucca ŭ zakładnikach u kiroŭcy… Dobraachvotna-prymusova pieraplatajucca pamiž saboj siužetnyja linii, abjadnanyja ahulnym dla ŭsich piersanažaŭ žadańniem vyjści za miežy štodzionnaha žyćcia, parušyć zabarony. Ale ŭ rešcie rešt, kožnaja z historyj, raskazanych u filmie, havoryć pra toje, što jość miaža, praź jakuju ŭsio ž nie varta pierastupać.
10 červienia
«Sumnieŭna»
Mieładrama. 2008 h. 75 chv. Režysior Maryja Błum.
Mira — krutaja i niezaležnaja žančyna, jakaja žyvie dziela svajoj karjery ŭ ŚMI. Ale adnojčy jana traplaje ŭ pole zroku Kupidona, jaki padsunuŭ joj nie vielmi sučasnaha susieda…
Stužki buduć demanstravacca na movie aryhinała ź biełaruskimi subtytrami. Pačatak sieansaŭ a 19-j hadzinie. Košt kvitkoŭ: 10000 rub.
Hladzi jašče: 7 červienia — dadatkovy kancert-prezientacyja šviedska-biełaruskaha prajekta «Čara»
