Fizičnyja asoby pry prodažy ŭ Rasii lehkavych aŭtamabilaŭ, uviezienych ź Biełarusi ci Kazachstana, pavinny vypłacić roźnicu ŭ pošlinie, zajaviŭ načalnik analityčnaha ŭpraŭleńnia Fiederalnaj mytnaj słužby (FMS) RF Uładzimir Ivin.

Jon nahadaŭ, što raniej krainy Mytnaha sajuza vyraŭnavali staŭki impartnych pošlin na aŭtamabili, uviezienyja jurydyčnymi asobami, ale staŭki pošlin na ŭvoz fizičnymi asobami ŭ Biełarusi i Kazachstanie da 1 lipienia byli lhotnymi. U suviazi z čym uźnikła niebiaśpieka, što pry adkryćci miežaŭ mašyny, uviezienyja za hety čas u krainy Mytnaha sajuza pa panižanym staŭkach, mohuć apynucca ŭ RF.

«My vypracavali miechanizm prodažu ŭ RF aŭtamabilaŭ, jakija byli ŭ hety pieryjad ŭviezienyja ŭ Biełaruś i Kazachstan pa panižanym staŭkach», — paviedamiŭ Ivin ŭ efiry «Vieści 24».

Pavodle jaho słoŭ, kali biełaruski abo kazachstanski hramadzianin vyrašyć pradać ŭviezieny pa panižanaj staŭcy aŭtamabil rasijskamu hramadzianinu, to jon pavinien pryjści ŭ svaju mytnuju słužbu i dapłacić roźnicu staŭki pamiž pošlinami, jakija dziejničali na pieryjad ŭvozu hetaha aŭtamabila ŭ Kazachstan i Biełaruś. «Kali jon nie zrobić heta ŭ siabie, u pryncypie heta možna zrabić i ŭ RF. My taksama ŭpaŭnavažany na pryjom płaciažoŭ u vyhladzie hetaj roźnicy pamiž staŭkami pošlin», — rastłumačyŭ pradstaŭnik FMS.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?