Jon zajaviŭ pra heta ŭ vystupie na vieniesuelskim telebačańni.
«Jany [daktary] paćvierdzili isnavańnie złajakasnaha abscesa, u jakim prysutničali rakavyja kletki, što vyklikała patrebu paŭtornaj apieracyi dla poŭnaha vydaleńnia puchliny», — zajaviŭ jon u televystupie.
Papulist Čaves kiruje Vieniesuełaj 12 hadoŭ. Hety nieardynarny prezident ustupiŭ u adkrytaje procistajańnie z ZŠA. Pry im Vieniesueła pačała padtrymlivać, u tym liku finansava, siabroŭskija jamu režymy — u tym liku Fidela Kastra i Alaksandra Łukašenki.
U časie telezvarotu hołas Čavesa hučaŭ ćviorda, choć sam jon vyhladaŭ biazradasna. Jahonyja intanacyi mocna źmianilisia. Jon nie raskazaŭ, jakuju terapiju jon prachodzić. Vystupaŭ jon usiaho 15 chvilin, pryčym pa papiercy, što dla jaho nie charakterna.
Raniej vieniesuelskija ŭłady admaŭlali surjoznaść chvaroby Čavesa.
U adroźnieńnie ad Biełarusi, ułada ŭ Vienieseule nie takaja zakrytaja, dyj u krainie zachoŭvajucca asnovy demakratyi. Isnuje niezaležny telekanał, hałasy na vybarach padličvajucca pry ŭdziele apazicyi, jakaja ŭ vyniku maje deputataŭ i ŭ parłamiencie.
