Staličnaje telebačańnie zahavaryła pra šery kurs dalara.
Niadzielny siužet kanała pierapoŭnieny radaściu — kurs skłaŭ usiaho 6 tysiač rubloŭ z drobiaźziu!
«Amierykanski dalar na šerym rynku ŭ apošnija tydni ŭpeŭniena pikiravaŭ, zatrymaŭšysia siońnia na šaści ź nievialikim tysiačach. Heta minimalny za apošni čas adryŭ ad aficyjnaha kursu,
 — ź niechavanym aptymizmam paviedamlaje karespandent telekanała. — U vyniku časy, kali na biržavym rynku kurs skoknuŭ da 9 tysiač za dalar, biezzvarotna syšli ŭ minułaje. Spačatku jon zvaliŭsia da vaśmi, potym da siami. Zaraz ža kurs stabilizavaŭsia navat na šerym rynku. I znachodzicca ŭ rajonie šaści tysiač za dalar».
Nastupnyja pasažy siužeta prymušajuć zadumacca, što ŭ niadzielu čamuści pierastała pracavać ideałahičnaja pravierka. «Arendadaŭcy zaryjentavalisia ŭ koštach, chtości staŭ prymać apłatu ŭ biełaruskich rublach», — paviedamlaje STV, pryznajučy, što raniej zakanadaŭstva hruba parušałasia i kvataranty raźličvalisia ŭ valucie.
Dyrektar ahienctva nieruchomaści Adelina Papova paćviardžaje: «Kali
raniej u nas raźliki pamiž pradaŭcom i kupcom patrabavali ŭ valucie,
to siońnia hatovyja prymać u biełaruskich rublach».

Vysnovy, zroblenyja karespandentami STV, znachodziacca za miažoj łohiki: «Uviadzieńnie biudžetnaj dyscypliny i skaračeńnie šerahu dziaržaŭnych vydatkaŭ pryviało da skaračeńnia hrašovaj masy i da nieabchodnaści subjektaŭ haspadarańnia kanviersiravać svaju valutu ŭ rubiel dla paŭnavartasnaj pracy». Inšymi słovami, telekanał śćviardžaje, što

dziaržava pierastała daciravać niejkaje pradpryjemstva, i jano było vymušana terminova zdavać adkładzienuju raniej valutu.
Nahadajem, što šyrokaja hrašovaja masa, jak i zvarot najaŭnych rubloŭ, niaŭchilna pavialičvajecca štomiesiac, pra što śviedčyć statystyka Nacbanka.

U lubym vypadku siužet STV śviedčyć pra źmieny ideałahičnaha kursa ŭ dziaržaŭnych ŚMI. Niekalki miesiacaŭ tamu jany atrymali «rekamiendacyju» nie publikavać infarmacyju pra rost cenaŭ i situacyju na čornym rynku. U svaim vystupleńni heta adznačaŭ i kiraŭnik dziaržavy, zhadaŭšy «Źviazdu», jakaja pisała pra vysoki kurs dalara na biržy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?