Sud viarnuŭ kasacyjnuju skarhu Vitala Rymašeŭskaha dla pieraskładańnia 14

Sud Frunzienskaha rajona Minska viarnuŭ kasacyjnuju skarhu eks-kandydata ŭ prezidenty Vitala Rymašeŭskaha dla pieraskładańnia.

«U sudzie miarkujuć, što ŭ skarzie niama matyvacyi taho, čamu pryhavor pavinien być pierahledžany. Ja tak nie liču. Zvyčajna ž hramadzianin biez advakata prosta prosić pierahledzieć pryhavor, i hetaha dastatkova», — paviedamiŭ Rymašeŭski. Pry hetym jon dadaŭ, što atrymaŭ adpaviednuju pastanovu suda na vychadnych, a termin pieraskładańnia skarhi — da 11 lipienia.

Eks-kandydat u prezidenty zaznačyŭ, što z samaha pačatku nie vieryŭ u abjektyŭnaść suda. «U pryncypie, svajoj mety ja dasiahnuŭ: padaŭšy kasacyjnuju skarhu, vykazaŭ svajo staŭleńnie da pryhavoru i sudovaj sistemy. Ja praciahvaju ličyć pryhavor niezakonnym», — skazaŭ Rymašeŭski.

Nahadajem, 20 maja sudździa suda Frunzienskaha rajona Minska Žanna Žukoŭskaja pryhavaryła Rymašeŭskaha da dvuch hadoŭ pazbaŭleńnia voli ŭmoŭna. Eks-kandydat u prezidenty byŭ pryznany vinavatym na padstavie č. 1 art. 342 Kryminalnaha kodeksa (arhanizacyja i padrychtoŭka dziejańniaŭ, što hruba parušajuć hramadski paradak, abo aktyŭny ŭdzieł u ich).

0

0

0

0

0

0

Siarhiej Karalevič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH