Idzie pravierka pa fakcie parušeńnia pravoŭ žurnalistaŭ padčas aśviatleńnia maŭklivych akcyj.
Kali buduć vyjaŭleny fakty parušeńniaŭ, kankretnyja supracoŭniki unutranych spraŭ buduć pryciahnuty da adkaznaści. Hienieralny prakuror Ryhor Vasilevič miarkuje, što
«supracoŭniki orhanaŭ unutranych spraŭ pavinny być u formie. Mohuć być vyklučeńni ŭ zaležnaści ad zadač, jakija staviać. Pavinny papiaredžavać, što parušajecca paradak, kali parušajecca. Kali nie ŭ formie, to vy pavinny viedać, chto vam pradjaŭlaje patrabavańni.
I ja spadziajusia, što tut budzie vyraŭnivacca situacyja».
Pra heta Ryhor Vasilevič zajaviŭ na pres-kanfierencyi ŭ Minsku 20 lipienia.
Adnačasova Vasilevič papiaredziŭ i žurnalistaŭ. «Kali supracoŭnik unutranych spraŭ vykonvaje svaje abaviazki, vy nie pavinny pieraškadžać. Treba ŭličvać, što roznyja srodki mohuć vykarystoŭvacca».
Adnak Hienprakuror nie pryvioŭ nivodnaha kankretnaha fakta reahavańnia prakuratury na masavyja dziejańni asobaŭ u cyvilnym (choć tolki ŭ Minsku imi zatrymany sotni ludziej). Nie było reakcyi prakuratury i na parušeńni svabodaŭ słova i schodu ŭ krainie. Dyj nie było navat kankretnaj reakcyi na dakumientalna zafiksavanyja fakty napadaŭ asobaŭ u cyvilnym na žurnalistaŭ na vulicach biełaruskich haradoŭ.
Typ u cyvilnym z-za śpiny pyrskaje žurnalistu haz u tvar. Fota Jeŭraradyjo, 3 lipienia.
A voś toj samy pšykun, z tym samym bałončykam u ruce, siarod inšych asobaŭ u cyvilnym, što zatrymlivali ludziej. Fota Antona Matolki, 3 lipienia.
A voś toj samy pšykun, z tym samym bałončykam u ruce, siarod inšych asobaŭ u cyvilnym, što zatrymlivali ludziej. Fota Antona Matolki, 3 lipienia.
