Jak paviedamili ŭ
Asablivaja ŭvaha z boku kantrolnych orhanaŭ budzie skiravana na vyjaŭleńnie aŭtamabilaŭ, u bienzabakach jakich zrobleny kanstrukcyjnyja źmianieńni. Padazronyja aŭtamabili projduć poŭnuju pravierku na adpaviednaść techničnym paramietram.
Raniej było ŭstanoŭlena, što ŭ letni čas da 70% hramadzian, jakija pierasiakajuć miažu ŭ punktach propusku «Cierachava» i «Hrebnieva», składajuć žychary pryhraničnaj zony. Ich hałoŭnaja meta — pieravozka paliva. Pavodle padlikaŭ Słužby dziaržaŭnych dachodaŭ Łatvii, dola nielehalnaha rynku aŭtamabilnaha paliva składaje ŭ krainie ŭžo 15%.
Vyniki raspačataj apieracyi stanuć mahčymaj padstavaj dla ŭniasieńnia źmienaŭ u zakon «Ab akcyznym padatku», jakim budzie dazvolena pieravozka paliva nie čaściej za adzin raz na tydzień, a nie raz na niekalki hadzin, jak adbyvajecca zaraz. Takaja praktyka abmiežavańniaŭ raniej była ŭviedziena ŭ susiednich krainach.
Tak, u Litvie paliva dazvalajecca pravozić nie bolš jak piać razoŭ na miesiac, a za kožnuju nastupnuju pieravozku treba płacić padatak. U Biełarusi vyvaz paliva čaściej za adzin raz na piać dzion mahčymy taksama pry ŭmovie mytnaha dekłaravańnia i vypłaty mytnych płaciažoŭ.