Nasta Pałažanka i «Małady front» źviarnulisia da ŭsich hramadzian z prośbaj ab dapamozie — vyratavać lidara arhanizacyi Źmitra Daškieviča.
«U horackaj kałonii № 9 kalečać čałavieka. Źmicier admoviŭsia ad padpisańnia ŭsich papieraŭ, jakija viali b da pryznańnia jahonaj viny. I, mahčyma, jak vynik — pomsta», — kamientuje Nasta Pałažanka.
Viadoma, što Źmicier Daškievič nie pieršy raz užo źmieščany ŭ štrafny izalatar. Litaralna adrazu pa pryjeździe ŭ horackuju kałoniju jon staŭ złosnym parušalnikam režymu. Mahčymaść karystańnia hrašovymi srodkami skaracili jamu ad 210 tys da 35 tysyč štomiesiacova. Ci pazbavili maładoha čałavieka naležnych jamu charčovych pieradač i spakatkańniaŭ, pakul nieviadoma.
«My prosim usich nieabyjakavych ludziej, u kaho serca balić serca, pisać administracyi kałonii, telefanavać im, i prasić pakinuć u spakoi maładoha čałavieka, a taksama nahadvać im pra adkaznaść», — havorycca zvarocie.
«Na vialiki žal, my faktyčna ničoha nie viedajem pra Źmitra: listy nie dachodziać, advakata vyhaniajuć vonki. My pišam dziasiatki skarhaŭ. Administracyja kałonii musić adčuvać uvahu da situacyi nie tolki biełaruskich hramadzian, ale i palitykaŭ, dziejačoŭ kultury, mižnarodnaj supolnaści, pravaabarončych arhanizacyjaŭ i h.d.« — praciahnuła dziaŭčyna.
Bližejšym časam Źmicier i Nasta majuć pabaracca šlubam. Na hetym tydni Daškieviču spoŭniłasia tryccać hadoŭ.
«Małady front» prosić dasyłać listy kiraŭnictvu horackaj kałonii pa adrasie:
Mahileŭskaja vobłaść, h. Horki, vuł Dabralubava 16,
Kavalovu