Lidar hurta «Mašina vriemieni» raskrytykavaŭ zabaronu ŭ Biełarusi piesień Viktara Coja.
«Nie ŭ maich praviłach ŭmiešvacca va ŭnutranyja spravy inšaj dziaržavy. Ale, na moj pohlad, prezident Biełarusi abraŭ samy niapravilny šlach kantaktu z apazicyjaj. Pa-pieršaje, dziejničajučy takim čynam, jon demanstruje ŭłasnuju niaŭpeŭnienaść. Pa-druhoje, jon tym samym robić apazicyju tolki kolkasna bolšaj i macniejšaj. Pa-treciaje, my ŭsio heta ŭžo dziesiać razoŭ prachodzili i ŭsie viedajem, čym heta zakančvajecca.
Ja dziŭlusia, jak jon, zdavałasia b, daśviedčany palityk, nie razumieje takich vidavočnych rečaŭ.Dumaju, jon pierastrachoŭvajecca, tamu što vielmi niervujecca, nie viedaje, što rabić ź ludźmi, jakija na znak pratestu prosta moŭčki plaskajuć na vulicach, nie parušajučy zakonu.
Jon razumieje, što jon vyhladaje pa-durnomu. A jahonyja śpiecsłužby sprabujuć biehčy napieradzie ciahnika i vyhladajuć jašče bolš durnymi.
U mianie jość adčuvańnie, što ŭ im spracoŭvaje pamiać ab tych časach, kali muzyki sapraŭdy varta było bajacca.
Ja pierakanany, što Saviecki Sajuz abrynuŭsia šmat u čym dziakujučy The Beatles.Jany byli nastolki volnyja i pazityŭnyja, što ichniaja čyścinia i śviatło źmiatali ŭsiu chłuśniu i ŭsie zabarony, usiu hetuju kardonnuju sistemu. I, viadoma, trymalniki «saŭka» heta adčuvali. I choć sučasnaja muzyka hetaje miesijanstva 70-ch hadoŭ straciła, pamiać pra heta žyvaja. Dumaju, sprava ŭ hetym»,
***
Siońnia ŭ 00:50 na ANT budzie pakazany kancert Andreja Makareviča.
0
0
0
0
0
0
