«Hrupa supier»: U adbory da ČS-2014 Biełaruś zhulaje ź Ispanijaj, Francyjaj, Hruzijaj i Finlandyjaj +fota 25

Siońnia ŭ Rya-de-Žanejra prajšło losavańnie adboračnych hrupaŭ da čempijanatu śvietu pa futbole, što projdzie ŭ 2014 hodzie ŭ Brazilii.

Ranalda vyciahvaje Biełaruś. Fota dzenik-kravina.livejournal.com

Zbornaja Biełarusi była pasiejanaja ŭ 3-m košyku jeŭrapiejskaj zony trapiła ŭ hrupu «I» z čempijonam śvietu 2010 hoda i čempijonam Jeŭropy 2008 hoda zbornaj Ispanii, a taksama zbornymi Francyi (ČS — 1998, Jeŭropy — 2000), Hruzii i Finlandyi.

Cikava, što naša hrupa «I» adzinaja, dzie budzie hulać piać kamandaŭ, a nie šeść.

Sa zbornymi Ispanii i Hruzii biełarusy nikoli nie hulali, navat u tavaryskich sustrečach.

Z finami sustrakalisia dvojčy na ŭzroŭni tavaryskich hulniaŭ: 1 sakavika 2006 (turnir na Kipry) — 2:2, pa pienalci naščadki Manierhiejma vyjhrali 5:4. 2 červienia 2008 kamandy zhulali ŭničyju 1:1.

Z Francyjaj biełarusy hulajuć akurat u adboračnym turniry da čempijanatu Jeŭropy — 2012. Nahadajem, što ŭ Paryžy biełarusy vyjhrali 1:0 (3 vieraśnia), a 3 červienia ŭ Minsku zhulali ŭničyju -1:1.

Astatnija jeŭrapiejskija hrupy:

A: Charvatyja, Sierbija, Bielhija, Šatłandyja, Makiedonija, Uels.

B: Italija, Danija, Čechija, Bałharyja, Armienija, Malta.

S: Hiermanija, Šviecyja, Irłandyja, Aŭstryja, Farery, Kazachstan.

D: Hałandyja, Turcyja, Vienhryja, Rumynija, Estonija, Andora.

E: Narviehija, Słavienija, Šviejcaryja, Ałbanija, Kipr, Isłandyja

F: Partuhalija, Rasija,* Izrail, Paŭnočnaja Irłandyja, Azierbajdžan, Luksiemburh

G: Hrecyja, Słavakija, Bośnija, Litva, Łatvija, Lichtenštejn

H: Anhlija, Čarnahoryja, Ukraina, Polšča, Małdova, San-Maryna.

— * Tłustym vyłučanyja susiedzi Biełarusi.

***

Matčy adboračnaha turniru pačnucca ŭvosień nastupnaha hoda.

9 pieramožcaŭ hrup vyjduć u finalnuju častku naŭprost. Aproč taho, lepšyja vosiem ź dzieviaci, što zojmuć 2-ja miescy, pazmahajucca ŭ plej-of za čatyry pucioŭki. Usiaho ad Jeŭropy — 13 puciovak.

Pakul ža biełarusy praciahvajuć zmahacca za prava trapić na čempijanat Jeŭropy pa futbole 2012 hoda, što projdzie ŭ Polščy i va Ukrainie. 2 i 6 vieraśnia zhulajuć z Bośnijaj, zaklučny matč z Rumynijaj.

Stanovišča: Francyja — 13 (6 hulniaŭ), Biełaruś — 12 (7), Bośnija — 10 (6), Rumynija — 8 (6), Ałbanija — 8 (6), Luksiemburh — 1 (7)

0

0

0

0

0

0

AH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH