BATE dastaŭsia aŭstryjski «Šturm» 21

Siońnia ŭ šviejcarskim Ńjonie prajšło losavańnie plej-of kvalifikacyi futbolnaj Lihi čempijonaŭ.

Jak viadoma, u hrupavym turniry ŁČ, što startuje 13 vieraśnia, voźmuć udzieł 32 kamandy: jany buduć raźbityja na 8 hrupaŭ (losavańnie hetaha etapa projdzie 25 žniŭnia). 22 kamandy ŭžo viadomyja, zastałosia 10 vakantnych miescaŭ: 5 sa šlachu čempijonaŭ, 5 — pradstaŭnikoŭ lih (što zaniali ŭ svaich čempijanatach 2-ja i 3-ja miescy).

BATE (rejtynh — 23 216), jak i «Kapienhahien» (Danija), «Dynama» Zahrab (Charvatyja), APOEŁ Kipr, «Makkabi» Chajfa (Izrail), upieršyniu ŭvachodziŭ u skład siejanych kamandaŭ.

Losavańnie rasparadziłasia, što supiernikam barysaŭskaha kłuba budzie čempijon aŭstryjskaj bundeślihi, kłub «Šturm» z Hraca

Takim čynam BATE zhulaje z aŭstryjskim «Šturmam» z Hraca.

Inšyja pary čempijonskaj kvalifikacyi: «Visła» — «APOEŁ», «Makkabi» — «Hienk», «Dynama» Zahrab — «Malmio», «Kapienhahien» — «Viktoryja» Plzień.

Šlach pradstaŭnikoŭ lih: «Odensie» (Danija) — «Viljareał» (Ispanija), «Tvente» (Niderłandy) — «Bienfika» (Partuhalija), «Arsienał» (Anhlija) — «Udyneze» (Italija), «Bavaryja» (Hiermanija) — «Ciurych» (Šviejcaryja), «Lijon» (Francyja) — «Rubin» (Rasija).

Matčy BATE -- «Šturm» plej-of projduć 16 i 24 žniŭnia. Pieršy matč BATE praviadzie doma.

«Šturm» u 2-m raŭndzie kvalifikacyi Lihi čempijonaŭ adoleŭ vienhierski «Videaton» (2:0, 2:3), a ŭ 3-m raŭndzie ledź abyhraŭ hruzinski «Zestafoni» (1:1, 1:0).

«Šturm» trojčy ŭdzielničaŭ u hrupavych turnirach ŁČ, usiaho z ulikam kvalifikacyjnych hulniaŭ pravioŭ 38 matčaŭ — 15 pieramoh, 6 ničyich, 17 parazaŭ.

Sa «Šturmam» u druhim raŭndzie Kubka Intertota ŭ 2008 h. hulaŭ salihorski «Šachcior» i prajhraŭ 0:2 u haściach, ničyja doma 0:0.

Pieramožcy duelaŭ traplajuć u hrupavy turnir Lihi čempijonaŭ. Kamandy, što prajhrajuć, buduć hulać u hrupavym turniry Lihi Jeŭropy.

***

«Šturm» (hałoŭny trenier -- Frank Foda) zasnavany ŭ 1909 h., trochrazovy čempijon Aŭstryi (1998, 1999, 2011), uładalnik Kubka Aŭstryi 1996, 1997, 1999, 2010 hadoŭ. Hulaje na «UPC-Arena», što źmiaščaje 15 400 hledačoŭ.

Paśla troch turaŭ čempijanatu Aŭstryi (aŭstryjskaja bundeśliha) «Šturm» zajmaje apošni, 10-ty, radok.

U kamandy dźvie ničyi i adna paraza, roźnica miačoŭ: 3–6. Pryčym u apošnim tury «Šturm» prajhraŭ «Kapfienbierhu» 0:3. U nastupnym tury 13-ha žniŭnia «Šturm» zhulaje ŭ vienskim «Rapidam». Zaŭtra, u Kubku Aŭstryi -- z «SV Hrodzih».

***

Nahadajem, što ŭletku 2008 hoda BATE ŭpieršyniu ŭ historyi suvierennaha futboła vyjšaŭ u hrupavy turnir Lihi čempijonaŭ, žoŭta-sinija hulali ŭ adnoj hrupie z «Reałam», «Juvientusam», «Zienitam», zaniali 4-je miesca. Zatym dva hady zapar BATE vychodziŭ ŭ hrupavy turnir Lihi Jeŭropy, vybyŭšy z ŁČ u 3-m kvalifikacyjnym raŭndzie. U pieršy hod finišavaŭ 3-m («Bienfika» Lisabon, «Eviertan» Livierpul, AJEK Afiny) a ŭ druhi hod («Dynama» Kijeŭ, «Šeryf» Ciraspal, AZ Ałkmaar) vyjšaŭ u 1/16 finału, dzie pa sumie dvuch matčaŭ sastupiŭ PSŽ.

U rozyhryšy Lihi čempijonaŭ 2011/2012 hoda BATE startavaŭ z 2-ha raŭndu, abyhraŭšy biełfascki «Linfiłd» (1:1, 2:0), a ŭ 3-m raŭndzie «Ekranas» z Paniaviežysa (0:0, 3:1).

0

0

0

0

0

0

AH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH