Urad FRH zapatrabavaŭ nieadkładnaha vyzvaleńnia biełaruskaha pravaabaroncy Alesia Bialackaha, zatrymanaha i źniavolenaha pad vartu viečaram 4 žniŭnia. Ab hetym, jak paviedamlaje pasolstva Hiermanii ŭ Minsku, zajaviŭ 5 žniŭnia ŭpaŭnavažany fiederalnaha ŭrada pa pravach čałavieka Markus Loninh.
Pavodle jaho słoŭ, hiermanski ŭrad «rezka asudžaje prymianieńnie kryminalnaha zakanadaŭstva dla taho, kab pa palityčnych pryčynach prymusić maŭčać jašče adnaho aktyŭnaha pradstaŭnika biełaruskaj hramadzianskaj supolnaści». «Fiederalny ŭrad patrabuje spynieńnia ŭsich represij u dačynieńni da apazicyjnych niaŭradavych arhanizacyj i ich aktyvistaŭ. I jon paŭtaraje svajo patrabavańnie ab vyzvaleńni ŭsich palitźniavolenych u Biełarusi», — skazaŭ Loninh.
