Tradycyjny zimovy adpačynak rasiejskich aliharchaŭ na fešenebelnym francuskim harnałyžnym kurorcie Kurševiel azmročany hučnym skandałam. Hrupu miljarderaŭ na čale z saŭładalnikam «Interrosa» Michaiłam Procharavym i vice‑prezydentam kampanii «Narylski nikiel» Aleham Bajbakovym u aŭtorak zatrymali francuskija palicyjanty, jakija pravodzili čarhovy rejd pa baraćbie z prastytucyjaj. Razam ź imi byŭ zatrymany pamočnik Procharava Dźmitry Šataŭ, paviedamiła radyjostancyja «Echo Moskvy».
Nieviadoma, jakija mienavita pretenzi vystaŭlaje zatrymanym palicyja. Pavodle niektorych źviestak, usio, što im mohuć inkryminavać francuskija ŭłady, heta vykarystańnie intymnych pasłuhaŭ. U takim razie nijakich jurydyčnych paśledkaŭ dla zatrymanych nia budzie, bo palicejskaja aperacyja skiravanaja suprać prastytutak, a nia suprać ich klijentaŭ.
Pavodle druhoj versii, u spravie rasiejskich aliharchaŭ mohuć fihuravać narkotyki j admyvańnie hrošaj. I narešcie, jość versii, što niekatoryja prastytutki byli niepaŭnahadovymi, a taksama, što rasiejcaŭ zartymali ŭ jakaści śviedkaŭ pa fakcie suteniorstva, — pieraličaje mierkavańnie śviedkaŭ i krynicaŭ hazeta «Viedomosti».
Kampanii, supracoŭniki jakich byli zatrymanyja, admaŭlajucca kamentavać zdareńnie albo zajaŭlajuć, što heta, najvierahodniej, nieparazumieńnie, jakoje nieŭzabavie prajaśnicca.
U druhoj pałovie dnia źjaviłasia infarmacyja, što Procharava źvinavacili ŭ sutenerstvie.
Pavodle «Hazieta.Ru»
