Advažny kot vyratavaŭ aŭstralijskuju siamju ad hibieli ŭ pažary.
Kali ŭnačy ŭ domie pačaŭsia pažar, pałasaty biesparodny kot, ulubioniec siamji z horadu Kerns (štat Kvinsłend), pasprabavaŭ padniać na nohi svaich haspadaroŭ. Adnak jany, pahružanyja ŭ hłyboki son, nijak nie adreahavali na jahonyja namahańni. Tady kot zapuściŭ kipciury ŭ tvar haspadara domu, što ŭ vyniku i abudziła mužčynu, jaki spaŭ na ŭžo tlejučym matrasie.
«Hety kot akazaŭsia najlepšym pažarnym apaviaščalnikam», — skazaŭ paźniej adzin z pažarnych.
Padobna na toje, što pryčynaj pažaru byŭ niedapałak. Dziakujučy kiemlivamu katu ŭcaleła ŭsia siamja, a chutkaje prybyćcio pažarnaj kamandy nie dapuściła značnych paškodžańniaŭ domu.