Ahučany A. Łukašenkam scenar «stabilizacyi» valutnaha rynku krainy faktyčna paćvierdziŭ, što premjer RB M. Miaśnikovič, jaki zajaviŭ jašče ŭ pačatku žniŭnia pra toje, što ŭłady majuć namier uziać pad poŭny kantrol valutnyja patoki, zusim nie blefavaŭ. I dadzieny scenar zusim nie stanie sałodkaj cukierkaj dla biełaruskich bankaŭ, u dačynieńni da jakich Łukašenka ŭ chodzie svajho śpiča, jaki prajšoŭ u aŭtorak na naradzie, prademanstravaŭ asablivyja emocyi.
Nie kažučy ŭžo pra takija vykazvańni, jak «skvapnaść bankaŭskaj sistemy» ci «raździavajciesia i pracujcie… pa načach», varta źviarnuć uvahu, jak pačaŭšy ź miakkaha najezdu na bankiraŭ ŭ vyhladzie daručeńnia kiraŭnicy NB RB «Pačynajcie sa spakojnaj pracy, paprasicie bankiraŭ…» , Łukašenka ŭžo praz 10 chvilin zapatrabavaŭ ad M. Jermakovaj «zašlifavać i začyścić bankaŭskuju sistemu».
Biełaruski ahitprop niezabaviŭsia i vystaviŭ u padtrymku ŭsiaho skazanaha, uklučajučy abaviazak biznesu padzialicca zvyšprybytkami i padstavić plačo dziaržavie, kiraŭnikoŭ troch «pryvatnych» bankaŭ z zamiežnym kapitałam — kiraŭnikoŭ Biełźniešekanombanka,
«Da hetaha dla našaha rynka była charakternaja niepradkazalnaść. Banki, biznes nie razumieli, što rabić dalej. Ciapier, kali abvieščanyja praviły hulni, heta daść svoj stanoŭčy vynik… my ŭsie ciapier razumiejem, na što budziem aryjentavacca», — skazaŭ kiraŭnik VTB Biełaruś Uładzimir Ivanoŭ, imknučysia vyhladać jak maha bolš niejtralna i uviazvajučy vykanańnie ŭsich pastaŭlenych pierad bankami patrabavańniaŭ z adnoj umovaj «…kali my atrymajem rynkavy kurs dalara i instrumient kupli hetaha dalara na druhoj dadatkovaj sesii».
U svaju čarhu kiraŭnik
«My vielmi stanoŭča aceńvajem heta pryncypovaje rašeńnie kiraŭnika dziaržavy», skazaŭ V. Maciušeŭski.
«Mnie zdajecca, što my ciapier znachodzimsia ŭ takim stanie, kali Nacbanku pryjdziecca raspačać dastatkovyja surjozny kompleks mier u halinie strymlivańnia inflacyi… (jakaja) pahibielnaja jak dla funkcyjanavańnia ekanomiki ŭ cełym, tak i dla našych kišeniaŭ. Nam treba viarnuć davier nasielnictva», — daŭ daručeńnie rehulataru bankir.
Kiraŭnik Biełźniešekanambanka naohuł nikoha nie krytykavaŭ, nie kryŭdziŭ i navat paabiacaŭ jašče bolš naraścić źniešni doŭh krainy za košt pryciahnieńnia valutnych kredytaŭ.
«Prahramu mieraŭ urada i Nacbanka… my vitajem, padtrymlivajem i ličym jaje jak raz toj prahramaj, jakaja dazvolić realna rušyć napierad u vyrašeńni prablem», — zajaviŭ Pavieł Kałavur. — «My, viadoma, budziem prytrymlivacca tych rekamiendacyjaŭ, jakija siońnia byli vypracavany, kab ahulnymi namahańniami zabiaśpiečyć pośpiech».
«My akažam padtrymku ŭ halinie niepasredna pryciahnieńnia resursaŭ, u tym liku i resursaŭ našaha maciarynskaha banka», — paabiacaŭ Kałavur (napiaredadni narady Biełźniešekanambank zajaviŭ ab pavieličeńni statutnaha fondu na 25,4%).
Pastaŭlenaja biełaruskim ahitprapam meta była nibyta dasiahnutaja — try bankaŭskija vołaty ahučyli padtrymku i ŭchvaleńnie abvieščanamu ścienrau ad imia ŭsioj bankaŭskaj sistemy. Adnak, varta adznačyć dva fakty.
