1 vieraśnia ŭ Minsku, u redakcyi haziety «Arhumienty i fakty», prajšłapres-kanfierencyja forvarda zbornaj Sierbii Matei Kiežmana, što napiaredadni zaklučyŭ kantrakt z barysaŭskim BATE.
Mateja Kiežman achvotna adkazvaŭ na pytańni žurnalistaŭ.
Vystupać jon budzie pad 99-m numaram, sprava -- spartyŭny dyrektar Alaksandr Zubkoŭski.
Ščyry pravasłaŭny viernik Mateja viadomy jak vialiki amatar tatuirovak.
Napačatku pierad prysutnymi vystupiŭ spartyŭny dyrektar BATE Alaksandr Zubkoŭski, jaki raspavioŭ pra niekatoryja detali i pryčyny kantrakta.
Jon zaznačyŭ, što kali raniej i ŭźnikała ŭ hutarkach i tearetyčnych płanach proźvišča Kiežmana, to jaho adprečvali, maŭlaŭ, sierb ža zorka suśvietnaha futboła. Ale ciažkaja traŭma Vitala Radzivonava [charyzmatyčny forvard barysaŭskaha kłuba vybyŭ nie mienš čym na 7 miesiacaŭ -- NN] prymusiła istotnym čynam pierahledzieć płany i źviarnuć uvahu na Mateju. Spracavała i supracoŭnictva ź sierbskimi mieniedžarami, što dapamahli ŭ pierachodzie ŭ BATE ŭzimku Marka Simiča — suajčyńnika Kiežmana.
Ciaham sutak udałosia atrymać tranśfier i zaklučyć kantrakt.
Raskazać pra finansavy składnik kantrakta Zubkoŭski admoviŭsia, zaznačyŭšy, što
hałoŭnaje dla Kiežmana nie hrošy, a mahčymaść vystupić u Lizie čempijonaŭ.
Alaksandr Eduardavič taksama raskrytykavaŭ pryncypy tranśfiernaha akna ŭ Biełarusi — BATE moh padpisać tolki svabodnaha ahienta, što vielmi zvužała mahčymaści, — i zaklikaŭ žurnalistaŭ čarhovy raz źviarnuć na heta ŭvahu Biełaruskaj fiederacyi futboła.
Zaznačym, što paśla taho jak Kiežman pakinuŭ kłub «Saŭt Čajna», jon niekalki miesiacaŭ padtrymlivaŭ formu ŭ białhradskim «Partyzanie», u składzie jakoha jon i pryjšoŭ u vialiki futbolny śviet. Tym nie mienš u letnich matčach kvalifikacyi Lihi čempijonaŭ udziełu nie braŭ, adciahvajučy da apošniaha padpisańnie kantraktu. A potym «Partyzan» vylecieŭ, jak ź Lihi čempijonaŭ, tak i Liihi Jeŭropy, i pytańnie znachodžańnia ŭ kłubie samo saboj adpała.
«Kancentravacca tolki na vystupleńni ŭ čempijanacie Sierbii mnie nie chaciełasia»,— kaža Kiežman. Adnak viartańnia ŭ «Partyzan» nie vyklučaje, ale na zakančeńni karjery. Sabie
Kiežman, zorka jakoha ŭzyšła na suśvietnaj arenie na styku XX i XXI st (Partyzan/PSV) učapiŭsia za mahčymaść vystupić u hrupavym turniry Lihi čempijonaŭ,
razhladajučy jaho jak tramplin dla viartańnia ŭ Jeŭropu.
Paśla PSV i «Čełsi» Kiežman, jaki ličyć vystup u hetych kłubach pikam karjery, a potym pačaŭsia zakat -- jon hulaŭ za «Atletyka», PSŽ, «Fienierbachče», a potym za «Zienit» i kłub z Hankonha «Saut Čajna».
«Mnie cikavy vyklik, jaki pradastaviŭ BATE. Ja ŭpeŭnieny, što kamanda znoŭ stanie čempijonam Biełarusi. Heta budzie šosty trafiej ŭ majoj kalekcyi. Čempijanaty zaŭsiody pryjemna vyjhravać nie važna, u jakoj krainie vystupaješ».
Tym nie mienš pryjarytetam, vidać budzie vystup u Lizie čempijonaŭ:
«Mnie dadzieny šaniec, kab zaśviacicca na jeŭrapiejskaj arenie», — zaznačaje Kiežman, ale abiacaje, što ŭ biełaruskim čempijanacie budzie vykładvacca na ŭsie 100 pracentaŭi navat viedaje, što nastupnuju hulniu BATE praviadzie z salihorskim «Šachcioram».
Sproby žurnalistaŭ dabicca ad ahienta forvarda Alaksandra Hrubiera, chto jašče ciaham apošnich dzion pretendavaŭ
na Kiežmana, byli biespaśpiachovymi. Hrubier tolki zaŭvažyŭ, što šmat kłubaŭ pretendavali na Mateju, ale prapanovy byli niesurjoznyja.
Vystupać Kiežman budzie pad
Žyć Mateja budzie, vidać, va Uruččy. Paśla
Što nakont samoha znachodžańnia sierba ŭ Minsku — kantrakt padpisany da kanca śniežnia,
«a tam budzie bačna».
Kiežman zapeŭnivaje taksama, što z uzrostam da jaho pryjšła razvažlivaść, a haračnaści, što časam pryvodziła da vyhnańnia z pola na pieršych chvilinach, pamienieła. Mateja vykazaŭ spadzieŭ, što na pole vyjdzie 9 vieraśnia ŭ matčy suprać salihorskaha «Šachciora».
