Andrej Pratasienia pieršyja hadziny na voli.
Abdymajecca z bratam Alaksandram.
Siońnia viečaram Łukašenka padpisaŭ ukaz ab pamiłavańni jašče čatyroch palitviaźniaŭ, asudžanych za ŭdzieł u akcyi pratestu 19 śniežnia. Heta Aleś Kirkievič, Andrej Pratasienia, Aleh Hniedčyk i Źmicier Daronin.
Paviedamlajecca, što hetyja ludzi napisali prašeńnie ab pamiłavańni. Žonka Alesia Kirkieviča Nadzieja Krapivina paviedamiła, što a 19-j hadzinie telefanavała ŭ kałoniju, dzie joj paviedamili ab vyzvaleńni Alesia. Jaho adpuścili ŭ 18:00. Pakul jon nie źviazaŭsia z svajakami. Kirkievič siadzieŭ u Navapołackaj kałonii.
Andrej Pratasienia patelefanavaŭ bratu Alaksandru. Skazaŭ, što znachodzicca na voli. U Minsk Pratasienia prybyŭ u 20:50 na aŭtobusie Lelčycy — Minsk. Jaho sustrakali svajaki, žurnalisty.
Vyzvaleńnie Aleha Hniedčyka paćvierdziła jahonaja mama. Proźvišča Źmitra Daronina pabačyŭ u śpisie vyzvalenych Aleś Kirkievič.
11 žniŭnia Łukašenka vyzvaliŭ dzieviać palitviaźniaŭ, asudžanych pa spravie ab masavych biesparadakach. Źmicier Drozd, Arciom Hrybkoŭ, Siarhiej Kazakoŭ, Vasil Parfiankoŭ, Jaŭhien Sakret, Vital Macukievič, Uładzimir Jaromienak, Alaksandr Kviatkievič.
Hladzi jašče: Za kratami praciahvajuć znachodzicca: Atroščankaŭ, Aŭtuchovič, Vinahradaŭ, Sańnikaŭ…
