Jarasłaŭ Valensa na matacykle sutyknuŭsia z usiedarožnikam i ŭ ciažkim stanie byŭ špitalizavany.
Honda Valensy sutyknułasia z Toyota RAV4. Fota Gazeta.pl.
Ź miesca avaryi paranienaha palityka zabraŭ viertalot. Fota Gazeta.pl.
Jarasłaŭ Valensa. Fota Newspix.
U piatnicu 2 vieraśnia 34-hadovy Jarasłaŭ Valensa, syn eks-prezidenta Polščy Lecha Valensy, trapiŭ u aŭtakatastrofu ŭ Stropkavie, paviedamlaje Dziennik.pl. Jon na ŭłasnym matacykle sutyknuŭsia z pazadarožnikam. U vyniku avaryi Valensa-małodšy ź ciažkimi traŭmami byŭ dastaŭleny na viertalocie spačatku ŭ Płock, a potym pieraviezieny ŭ Varšavu.
Jak paviedamlaje Gazeta.pl, paciarpiełamu ŭ avaryi palityku zrabili apieracyju na chrybcie. Jana ciahnułasia kala 5 hadzin. Na pres-kanfierencyi było paviedamlena, što apieracyja prajšła dobra, u Valensy jość šancy papravicca i samastojna chadzić.
Pavodle papiaredniaj infarmacyi, kiroŭca aŭto Toyota RAV4 parušyŭ praviły darožnaha ruchu, vyjechaŭšy na pałasu, pa jakoj ruchaŭsia matacykł Valensy.
34-hadovy Jarasłaŭ Valensa źjaŭlajecca deputatam Jeŭraparłamienta.