Niaklajeŭ vyklikany ŭ sud dla «ŭstanaŭleńnia dadatkovych abmiežavańniaŭ» 6

Były kandydat u prezidenty Biełarusi Uładzimir Niaklajeŭ vyklikany na 10.00 9 vieraśnia ŭ sud Leninskaha rajona Minska dla «ŭstanaŭleńnia dadatkovych abmiežavańniaŭ».

«Jany i tak mianie abmiežavali va ŭsim, u čym mahli, ale hetaha, vidać, mała, — zajaviŭ palityk. — Nie viedaju, čym i jak jany źbirajucca abmiežavać mianie dadatkova: mabyć, pasprabujuć paviazać mianie pa rukach i pa nahach, kab ja nidzie ni z kim nie moh sustrakacca. Dumaju, zaŭtrašniaje sudovaje pasiadžeńnie projdzie ŭ takim klučy».

Niaklajeŭ paviedamiŭ, što ŭ jaho ŭžo jość adno papiaredžańnie prakuratury za parušeńnie režymu adbyćcia pakarańnia — pajezdku za miažu. «Ale, pa-pieršaje, heta papiaredžańnie było vyniesiena jašče da taho, jak pryhavor nabyŭ moc, i ja nie liču jaho zakonnym. Pa-druhoje, ja papularna rastłumačyŭ u prakuratury, što akramia abaviazkaŭ pa adbyvańni pakarańnia ŭ mianie jość jašče i abaviazki pierad ludźmi — pierad tymi, chto pracavaŭ u majoj kamandzie, chto addaŭ za mianie svoj hołas. Ja nie mahu zdradzić hetym ludziam. Ja ŭpeŭnieny, što ja, kali sustrakajusia ź imi, rablu pravilna. Viadoma, u prakuratury my nie znajšli parazumieńnia pa hetym pytańni», — skazaŭ Niaklajeŭ.

Eks-kandydat u prezidenty nie viedaje, pra jakija mienavita abmiežavańni pojdzie havorka ŭ sudzie,

ale, naprykład, na chatni aryšt jon pahadžacca nie maje namieru. «Na toje, kab u maim domie dniom i nočču haspadaryli ludzi sa zbrojaj, kab pad vartaj znachodziŭsia nie tolki ja, ale i maja žonka, ja nikoli bolš nie pahadžusia. Chaj lepš adpraviać mianie ŭ turmu», — zajaŭlaje palityk.

20 maja sud Frunzienskaha rajona Minska pryznaŭ Uładzimira Niaklajeva vinavatym na padstavie č. 1 art. 342 Kryminalnaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich) i pryhavaryŭ palityka da dvuch hadoŭ pazbaŭleńnia voli z adterminoŭkaj pryhavoru na dva hady. Niaklajeŭ pavinien rehularna adznačacca ŭ milicyi, viartacca damoŭ nie paźniej za 22.00, infarmavać milicyju pra svaje pajezdki.

Siarhiej Pulša, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH