Raźvitańnie z zahinułym u avijakatastrofie pad Jarasłaŭlem abaroncam chakiejnaj zbornaj Biełarusi Rusłanam Salejem pačniecca 10 vieraśnia ŭ 13.00 na arenie CHK«Junactva-Minsk» u staličnym parku Horkaha.
Rusłan Salej
Siarhiej Astapčuk
Mikałaj Kryvanosaŭ, tut.by
Cieła Rusłana Saleja pavinna być dastaŭlena ŭ Minsk siońnia ŭviečary.
Pachavany były kapitan zbornaj Biełarusi budzie ŭ druhoj pałovie dnia 10 vieraśnia na Maskoŭskich mohiłkach.
Na pachavańnie byłoha kapitana zbornaj Biełarusi pryjeduć jaho šmatlikija partniory pa nacyjanalnaj zbornaj. Z omskaha «Avanharda» užo prybyŭ Alaksiej Kalužny, ź jekaciarynburhskaha «Aŭtamabilista» — Viktar Kaściučonak. Čakajecca taksama prybyćcio Michaiła Hraboŭskaha z «Taronta» i inšych hulcoŭ.
Pachavańnie jašče dvuch členaŭ zahinułaj kamandy jarasłaŭskaha «Łakamatyva» — forvarda Siarhieja Astapčuka i treniera pa fizpadrychtoŭcy Mikałaja Kryvanosava — chutčej za ŭsio adbuducca 11 vieraśnia.
Raźvitańnie ź Siarhiejem Astapčukom projdzie ŭ niadzielu, z 13.00 do 15.00 pa adrasie: h. Minsk vuł. Alšeŭskaha, 12, rytualny zał N1. Pa skančeńni panichidy adbudziecca pachavańnie na mohiłkach u Kałodziščach.
Raźvitańnie ź Mikałajem Kryvanosavym projdzie ŭ jaho doma 11 vieraśnia, z 10.00 da 12.30 (Pijanierskaja, d.3, kv. 34). Jon budzie pachavany na Kalvaryjskich mohiłkach.