Piša vam pastajanny čytač ź Biahomla. Chaču vykazać svoj punkt hledžańnia na toje, jak u turmach abychodziacca z palitviaźniami.
Apostała Paŭła vydaŭ rab, chacia jaho nichto nie zmušaŭ da hetaha. Rab – heta nie tolki sacyjalny stan čałavieka, heta – chvaroba duchu. Taksama ŭ 30-ja hady XX stahodździa narodu ŭvodzili ŭ śviadomaść, što ŭsiudy vorahi, šmat chto ŭ hetu łuchtu vieryŭ i vieryŭ da śmierci. Ludziej, ni za što represavanych, ckavała nie tolki tahačasnaja ŭłada, ale i prostyja hramadzianie, jakija byli padvieržanyja stalinskaj prapahandzie. Maje racyju mudraść:
“Kali čałavieku bieśpierapynna havaryć, što jon – małpa, praz hod jon u heta pavieryć”.
Ciapier u nas toje samaje adbyvajecca, na ludziej naviešali jarłyki vorahaŭ, “admarozkaŭ”, “chulihańnia” i h.d. Hladzicie, maŭlaŭ, voś jany muciać vadu, jany jeździać za miažu, nackoŭvajuć na Biełaruś urady susiednich krain. Kamu chočuć łokšynu naviešvać? Častka naroda kluje na prynadu.
Samaje prykraje, što kluje na heta moładź.BRSM robić svaju spravu. Za 17 hadoŭ vyhadavali takich mankurtaŭ, jakich nie vyhadavała savieckaja sistema za ŭvieś čas svajho isnavańnia.
Da jakoha stanu treba davieści častku naroda, kab čynoŭnik abłasnoha ŭzroŭniu łaziŭ pa śmietnikach i pakazvaŭ palcam, dzie što prybirać, byccam u miascovaj ułady niama mazhoŭ.Ale budučynia nie za hetaj častkaj, a budučynia Biełarusi za tymi, chto siadzić zaraz a kratami.
0
0
0
0
0
0
