Čarhovaje pavyšeńnie roźničnych cen na naftapradukty ŭ siarednim na 3%, što, jak čakajecca, adbudziecca 14 vieraśnia, naŭrad ci vykliča pratestnyja akcyi biełaruskich aŭtamabilistaŭ «Stop-bienzin».Takoje mierkavańnie vykazaŭ dyrektar infarmacyjna-aśvietnickaj ustanovy «Za Aŭto» Arciom Šarkoŭ.
Na jaho dumku, ciapier biełaruskaja
hramadskaść «znachodzicca ŭ niejkaj śpiačcy».«Mahčyma, ludzi jašče nie adyšli ad leta, a mahčyma, pytańni pražyćcia i narychtoŭki na zimu ludziej ciapier chvalujuć bolš, čym inšyja paŭsiadzionnyja pytańni», - adznačyŭ Šarkoŭ.
U hramadstvie nazirajecca momant «abstrahavańnia ad hetaj situacyi nie tolki ŭ asiarodździ aŭtaamataraŭ", skazaŭ kiraŭnik ustanovy. Jon ličyć, što
«usie zamierli ŭ čakańni taho, što budzie na valutnym rynku krainy,i heta ŭpłyvaje na prajava hramadzianskaj aktyŭnaści».
«Ludzi čakajuć niejkaje peŭnaści, - adznačyŭ Šarkoŭ. - Ciapier u ludziej poŭnaja razhublenaść, nierazumieńnie taho, što ž budzie paśla siesii 14 vieraśnia. Ludziej bolš chvaluje pytańnie, što jany buduć jeści zimoj, i jak jany jaje naohuł pieražyvuć».
0
0
0
0
0
0