Siońnia ŭ Stambule zastrelili viadomaha žurnalista j piśmieńnika armianskaha pachodžańnia Hranta Dzinka. Padrabiaznaści pakul nieviadomyja, pračytaŭ ja na stužcy navinaŭ ahienctva Rojterz.
Jon byŭ hałoŭnym redaktaram armianskamoŭnaje hazety. Letaś jaho sudzili za «źniavahu nacyjanalnaha honaru tureckaha narodu».
U listapadzie minułaha hodu Hrantu Dzinku i mnie była prysudžanaja niderlandzkaja premija «Svaboda vykazvańnia».
Cyrymonija ŭznaharodžańnia adbyłasia 18 listapada ŭ Haazie padčas festyvalu Crossing Border («Pierastupajučy miežy»). Dzink atrymlivaŭ uznaharodu tam. Ja nia jeździŭ, my jakraz śviatkavali tutaka stahodździe «Našaj Nivy». Tamu vočna z kaleham tak i nie paznajomiŭsia. Ale pabačyŭ na ekranie kamputara znajomaje imia i spyniŭsia.
Spyniciesia i vy na chvilinku.