Jermakova: Na nastupnym tydni mahčyma rezkaje źnižeńnie kursaŭ zamiežnych valut 32

Ab hetym zajaviła ŭ efiry telekanała STV staršynia praŭleńnia Nacyjanalnaha banka Biełarusi Nadzieja Jermakova.

Heta źviazvajecca z tym, što pradpryjemstvam nieabchodna budzie vypłacić padatki ŭ rublach.

Akramia taho, značna ŭzrasła kolkaść valuty, što zdaje nasielnictva. «My miarkujem, što kurs budzie źnižacca, moža być, navat na nastupnym tydni rezka pojdzie ŭniz. Nastupny tydzień — padatkovaja, i pradpryjemstvam patrebnyja buduć biełaruskija rubli», — adznačyła Nadzieja Jermakova.

Pavodle jaje słoŭ,

Nacbank čakaŭ pa vynikach pieršaj dadatkovaj siesii bolš vysoki kurs zamiežnych valut — na ŭzroŭni 9 tys. za dalar i bolš,

i toje, što hetyja čakańni nie apraŭdalisia, vyklikaje aptymizm. Nadzieja Jermakova taksama adznačyła vysokuju aktyŭnaść nasielnictva pa prodažy valuty. Kali ŭ pieršy dzień jašče adčuvałasia naściarožanaść, to ciapier nazirajecca značnaja aktyvizacyja valutna-abmiennych apieracyj. Kali ŭ dzień adkryćcia dadatkovaj siesii banki kupili kala $3 młn, to za čaćvier hetaja ličba pavialičyłasia ŭ piać razoŭ. Za piatnicu suma budzie jašče bolš vialikaja, pakolki

ŭ asobnyja rehijony pryjšłosia ŭ try rejsy padvozić biełaruskija rubli dla funkcyjanavańnia abmieńnikaŭ.

Jak paviedamlałasia, meta praviadzieńnia dadatkovaj — zadavolić popyt na valutu. Na rynkavych umovach, biez jakich-niebudź abmiežavańniaŭ luby subjekt haspadarańnia moža zaraz vystaŭlać zajaŭki na kuplu abo prodaž valuty. Jak paviedamlałasia, rynkavy kurs dalara pa vynikach pieršych tarhoŭ na dadatkovaj biržavy siesii skłaŭ 8600, rasiejskaha rubla — 305, jeŭra — 12100 rubloŭ.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH