Situacyju ŭ Biełarusi abmierkavali staršynia Abjadnanaj hramadzianskaj partyi Anatol Labiedźka i sienatar Džon Makkiejn u chodzie sustrečy 16 vieraśnia ŭ Vašynhtonie, paviedamlaje sajt ucpb.org.
Labiedźka nazvaŭ sustreču «źmiastoŭnaj i pradmietnaj». Pavodle słoŭ lidara AHP, Makkiejn cikaviŭsia, što jon moža zrabić dla Biełarusi.
«My razmaŭlali ab palitźniavolenych, ab umovach praviadzieńnia svabodnych vybaraŭ u Biełarusi, ab mahčymaści vypracoŭki płana Maršała dla Biełarusi», — paviedamiŭ Labiedźka.
Pavodle infarmacyi kiraŭnika AHP, Makkiejn maje namier havaryć ab Biełarusi na pasiadžeńni sienata.
Nahadajem, Anatol Labiedźka ŭziaŭ udzieł u Parłamienckim forumie novych demakratyj, jaki prajšoŭ 15 vieraśnia ŭ Vašynhtonie. U mierapryjemstvie ŭdzielničali jak dziejnyja, tak i byłyja parłamientaryi roznych krain. Lidar AHP, u pryvatnaści, vystupiŭ z dakładam u chodzie dyskusii ab situacyi ŭ Biełarusi.
0
0
0
0
0
0