LA Times: Warner Bros. vypłacić Čarli Šynu $25 młn kampiensacyi za razarvany kantrakt

Najbujniejšy vytvorca teleprahram Warner Bros. vypłacić aktoru Čarli Šynu kala $25 młn u jakaści kampiensacyi za razarvany ź im kantrakt na hałoŭnuju rolu ŭ sitkomie «Dva z pałovaj čałavieki»,

Pra heta haziecie raskazała krynica, znajomaja ź situacyjaj, jakaja pažadała zastacca nienazvanaj, bo pieramovy kampanii i aktora nosiać kanfidencyjny charaktar.

Suma kampiensacyi składajecca ŭ pieršuju čarhu z prybytku, jakuju šou mahło b atrymać pry ŭdziele Šyna ŭ hałoŭnaj roli. U adpaviednaści z kantraktam zdymki pavinny byli praciahvacca da traŭnia 2012 hoda.

Pradstaŭnik Warner Bros. abvierh paviedamleńni pra jakoje-niebudź rašeńnie pa pieramovach i admoviŭsia ad kamientaroŭ.

Warner Bros. TV zvolniła Čarli Šyna paśla taho, jak toj pryznaŭsia va ŭžyvańni narkotykaŭ i raskrytykavaŭ svajo načalstva.

U pres-relizie ad Warner Bros. TV havorycca pra toje, što Šyn, jaki hraŭ u sieryjale «Dva z pałovaj čałavieki», ździejśniŭ kryminalnaje złačynstva, nie žadaje prachodzić lačeńnie ad narkazaležnaści, pastajanna ŭdzielničaje ŭ debošach i ŭ nieprymalnych terminach publična raskrytykavaŭ pradusara sieryjała, u jakim hraje.

Samy papularny na amierykanskim telebačańni sitkom, u jakim hraŭ Šyn, atrymlivajučy za adzin 22-chviliny epizod pa $1,8 młn, byŭ źniaty z efiru paśla taho, jak Šyn admoviŭsia prachodzić prahramu reabilitacyi, kab pazbavicca narkazaležnaści, i niaŭchvalna adhuknuŭsia pra pradzusara sieryjała, vykarystaŭšy, jak ličać mnohija, zavualavanyja antysiemickija vyrazy. U antysiemityźmie jaho abvinavačvaje i adna z byłych žonak.

U mai źjavilisia paviedamleńni, što zamiest Šyna hałoŭnuju rolu ŭ sieryjale budzie hrać Eštan Katčer.

0

0

0

0

0

0

latimes.com

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH