Źjaviłasia infarmacyja, što ciapier jon znachodzicca ŭ mahiloŭskim SIZA.
Aktyvist hramadzianskaj kampanii «Jeŭrapiejskaja Biełaruś» Pavieł Juchnievič raźmiaściŭ u svaim fejsbuku paviedamleńnie pra toje, što palitviaźnia Źmitra Daškieviča źbirajucca pieravieści ŭ inšuju kałoniju, a ŭ dadzieny momant jon nibyta znachodzicca ŭ SIZA Mahilova. Pavieł paviedamiŭ «NN», što infarmacyju pra Daškieviča atrymaŭ z nadziejnych krynicaŭ. Nibyta, baćka Źmitra Viačasłaŭ Daškievič pavinien atrymać adpaviedny list z Departamientu vykanańnia pakarańniaŭ.
Viačasłaŭ Daškievič kaža, što ŭžo čuŭ pra mahčymy pieravod syna z horackaj kałonii ŭ inšuju. Ale aficyjnaha paćvierdžańnia hetamu pakul nie atrymaŭ.
Nahadajem, što 24 sakavika 2011 hoda Źmicier Daškievič byŭ asudžany na dva hady pazbaŭleńnia voli ŭ kałonii ahulnaha režymu nibyta za bojku 18 śniežnia 2010 h.
