Jak paviedamlaje lenta.ru, ranicaj 20 vieraśnia na zachadzie Turcyi pierakuliŭsia aŭtobus z turystami, jaki nakiroŭvaŭsia z aeraporta Antalji ŭ hateli kurorta Ałańja.
U vyniku avaryi paciarpieli kala 20 čałaviek (pa źviestkach tureckich ŚMI — 18, pa dadzienych MZS Ukrainy — 21), adzin pasažyr zahinuŭ.
U avaryju trapiŭ aŭtobus kampanii Tez Tour. Usie paranienyja dastaŭleny ŭ balnicu.
Jak dadaje partał tut.by, DTZ zdaryłasia ŭ 9.30 u rajonie Side. Pryčyny avaryi vyśviatlajucca. Pavodle papiarednich dadzienych palicyi, vinavaty kiroŭca hruzavoha aŭtamabila, jaki jechaŭ nasustrač mikraaŭtobusu i vycieśniŭ jaho na abočynu, paśla čaho toj pierakuliŭsia. Aŭtobus z turystami jechaŭ z dapuščalnaj na dadzienym učastku chutkaściu 80 km/h.
Siarod paciarpiełych byli i biełarusy: 4 našyja suajčyńniki špitalizavanyja, ich stan aceńvajecca jak zdavalniajučy.
Usie jany zastrachavany i ciapier atrymlivajuć nieabchodnuju miedycynskuju dapamohu, vydatki na jakuju pakryvaje strachavy polis.
0
0
0
0
0
0
