21 vieraśnia byŭ daterminova vyzvaleny zasnavalnik turystyčnaj kampanii «Sakub» Siarhiej Bukas. Nahadajem, što prysud Siarhieju Bukasu byŭ abvieščany 1 kastryčnika 2009 h. sudom Savieckaha rajona stalicy. Uładalniku «Sakuba» inkryminavałasia ŭčynieńnie cełaha šerahu złačynstvaŭ, siarod jakich kradziež šlacham złoŭžyvańnia słužbovymi paŭnamoctvami na 70 tys. dalaraŭ, pieravyšeńnie słužbovych paŭnamoctvaŭ i padrobka dakumientaŭ.
Kryminalnaja sprava była inicyjavana hramadzianinam Hiermanii, ź jakim kampanija «Sakub» stvaryła sumiesnaje pradpryjemstva STAA «Chornbachier i Bol». Firma stvarałasia z metaj inviestavańnia ŭ budaŭnictva pad Minskam elitnaha pasiołka «Soniečny».
Niahledziačy na toje, što ŭsie niezaležnyja naziralniki adznačali, što sprava ŭ dačynieńni da bujnoha biełaruskaha turapieratara maje šmat niedarečnaściaŭ i vidavočnyja niestykoŭki,
Siarhiej Bukas byŭ prysudžany da 8 hadoŭ turmy z kanfiskacyjaj majomaści i z pazbaŭleńniem prava zajmać pasady,źviazanyja z ulikam, raźmierkavańniem, zachoŭvańniem kaštoŭnaściaŭ, na 3 hady. Pryčym pradstaŭnik dziaržabvinavačańnia prasiŭ sud vynieści jašče bolš žorstkaje pakarańnie — 10 hadoŭ pazbaŭleńnia voli. Rašeńnie suda pavierhła ŭ šok prysutnych u zale pasiadžeńnia, a sam abvinavačany nazvaŭ toje, što adbyvajecca, «biaźmiežžam i rejdarskim zachopam».
Pavodle papiaredniaj infarmacyi, zaraz Siarhiej Bukas pryznany nievinavatym pavodle ŭsich artykułaŭ.
Kampanija «Sakub» była zasnavana Siarhiejem Bukasam u 1993 h. Apošnija dva hady joju kiravaŭ Siarhiej
Pakul Siarhiej nie źjaŭlaŭsia ŭ firmie, ale kalehi ź nieciarpieńniem čakajuć hetaha momantu i navat śviatočna ŭpryhožyli ofis — šarykami i vitalnymi płakatami.
