Miaśnikovič sustreŭsia z kiraŭnikom «Hazproma» Mileram 2

Prem'jer-ministr Biełarusi Michaił Miaśnikovič sustreŭsia siońnia sa staršynioj praŭleńnia AAT «Hazpram» Alaksiejem Mileram.

Baki pradoŭžyli pierahavory pa pytańniach farmiravańnia cen na haz dla Biełarusi z 2012 hoda i taryfaŭ na transparciroŭku hazu pa biełaruskaj terytoryi. U čas sustrečy byli taksama zakranuty niekatoryja aśpiekty cenaŭtvareńnia na haz dla Biełarusi z 2015 hoda, kali Rasija płanuje vyjści na roŭnadachodnuju canu dla ŭnutranych i źniešnich spažyŭcoŭ.

Asobnuju ŭvahu Michaił Miaśnikovič i Alaksiej Miler udzialili abmierkavańniu mižuradavaha pahadnieńnia ab umovach kupli-prodažu akcyj i dalejšaj dziejnaści AAT «Biełtranshaz». Ciapier prajekt pahadnieńnia znachodzicca ŭ vysokaj stupieni hatoŭnaści.

Zhodna z dasiahnutymi ŭ lipieni damoŭlenaściami,

vyrašeńnie pytańniaŭ pa ŭmovach pastavak i tranzitu rasijskaha hazu ŭviazvajecca z nabyćciom «Hazpramam» 50 pracentaŭ akcyj «Biełtranshaza».

U žniŭni biahučaha hoda staršynia ŭrada Rasii Uładzimir Pucin pastaviŭ zadaču Ministerstvu enierhietyki Rasii i AAT «Hazpram» apieratyŭna vydzielić panižajučy intehracyjny kaeficyjent dla cany pastavak rasijskaha hazu ŭ Biełaruś.

Kantraktnaja cana na pastaŭlajemy AAT «Hazpram» u Biełaruś pryrodny haz u trecim kvartale biahučaha hoda składaje z $279,16 za 1 tys. kub.m. Pry zachavańni cany na naftu na biahučym uzroŭni cana na haz dla Biełarusi ŭ čaćviortym kvartale 2011 hoda moža ŭzraści da $307 za 1 tys. kub.m.

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH