Zvarotnaja šklanaja tara budzie pa-za zakonam — ekołahi suprać 9

Z 1 lipienia 2012 hoda budzie zabaroniena vykarystoŭvać zvarotnyja šklanyja butelki dla raźliva ałkaholnych napojaŭ i dziciačaha charčavańnia.

Heta praduhledžvaje zaćvierdžany 16 žniŭnia 2011 hoda techničny rehłamient Mytnaha sajuza Rasii, Biełarusi i Kazachstana.

U vyniku zbor i paŭtornaje vykarystańnie praktyčna ŭsich vyhladaŭ šklanoj tary budzie zabaroniena.

Ekołahi suprać takoha rašeńnia. «Dla vytvorčaści 1 tony butelek raschodujecca kala 1,2 tony pryrodnaj syraviny (u tym liku 0,59 tony kvarcavaha piasku, 0,172 tony vapniaka, 0,186 tony sody i 0,072 tony palavoha špata), a taksama kala 4 mvt hadziny elektraenierhii. Enierhii, jakaja marnujecca na stvareńnie ŭsiaho adnoj butelki, chopić na 7-hadzinnuju pracu kampjutara i na sutki pracy enierhaaščadžalnaj lampy», — tłumačyć Hrynpis.

Pierapłaŭleńnie butelek na hutach u novyja (adziny lehalny sposab utylizacyi škłatary, jaki zastaniecca) dazvolić źmienšyć vydatkoŭvańnie materyjałaŭ, ale enierhii pry hetym budzie tracicca tolki na 20% mienš, čym pry pieršasnaj vytvorčaści. U toj ža čas

ačystka adnoj butelki da stanu, jaki adkazvaje ŭsim sanitarnym normam, patrabuje ŭ 10 raz mienš enierhii, čym vytvorčaść novaj.

pavodle greenpeace.org

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH