Ryšard Kapuścinski pamior u aŭtorak 23 studzienia ŭ špitali Medycynskaj Akademii ŭ Varšavie. Jon doŭhi čas znachodziŭsia ŭ hetym špitali, paviedamlaje "Hazeta vyborča". U piatnicu pieranios aperacyju, a ŭ aŭtorak zdaryŭsia abšyrny infarkt.
Ryšard Kapuścinski naradziŭsia ŭ sakaviku 1932 h. u Pinsku, u domie na vulicy Bałotnaj (siońnia Suvorava, 43) u siamji viaskovych nastaŭnikaŭ. Paźniej jon pryznavaŭsia, što tak achvotna naviedvaŭ najbiadniejšyja krainy tamu, bo ŭ ich było niešta ad Paleśsia.
Kapuścinski zdabyŭ viadomaść jak piśmieńnik-padarožnik i majstar repartažu. Pracavaŭ u "Palitycy", "Kultury", a taksama jak karespandent Polskaha ahienctva presy (PAP) u Afrycy, Łacinskaj Amerycy i Azii. Byŭ śviedkam zaniapadu manarchij ŭ Efijopiii dy Iranie, pra što napisaŭ knihi "Cezar" i "Šachinšach". Hetyja ramany j adkryli Kapuścinskamu šlach na zachodni rynak. Pra piśmieńnika zachoplena pisali Džon le Kare, Norman Mejler, Sjuzan Sontah.
Sioleta Kapuścinski byŭ naminantam na litaraturnaha Nobela. Jahonyja šancy bukmekierskaj kantoraj Łedbroks rasceńvalisia jak 5 da 1. Vyšejšy rejtynh mieŭ tolki Archan Pamuk (5 da 2), jaki i atrymaŭ premiju.
"Adzin Kapuścinski varty tysiačaŭ skuholačych i fantazujučych pisakaŭ", -- napisaŭ Sałman Rušdzi.
Fota kapuscinski.hg.pl. (pavialičyć).
