Pavyšany taryfy na ciapło, elektryčnaść, uviedziena dyfierencyravanaja apłata za vadu 7

U Biełarusi pavyšany taryfy na techabsłuhoŭvańnie, ciepłavuju i elektryčnuju enierhiju, a taksama ŭvodzicca dyfierencyravanaja apłata za pasłuhi vodazabieśpiačeńnia i vodaadviadzieńnia. Adpaviednaje rašeńnie ŭtrymlivajecca ŭ pastanovie Savieta ministraŭ № 1300 ad 28 vieraśnia 2011 hoda, paviedamiła pres-słužba ŭrada.

Dziejnyja taryfy na pasłuhi pa techničnym absłuhoŭvańni žyłych damoŭ pavyšany na 3%, na ciepłavuju enierhiju dla patreb aciapleńnia i haračaha vodazabieśpiačeńnia — na 3,2%, na elektryčnuju enierhiju — na 15%.

Płaciažy siamji z troch čałaviek, jakaja pražyvaje ŭ typovaj dvuchpakajovaj kvatery,

za žyllova-kamunalnyja pasłuhi ŭzrastuć u aciaplalny pieryjad na 8,1 tys. rubloŭ.

Pastanovaj taksama praduhledžvajecca źbirańnie płaty za pasłuhi vodazabieśpiačeńnia, vodaadviadzieńnia (kanalizacyi) z hramadzian, jakija žyvuć u kvaterach (žyłych damach), asnaščanyja pryborami indyvidualnaha raźliku raschodu vady, pa taryfach, ustanoŭlenych zakanadaŭstvam Biełarusi, u miežach abjomaŭ vodaspažyvańnia na adnaho žychara (zarehistravanaha pa miescy žycharstva) 140 litraŭ u sutki.

Płata za pasłuhi vodazabieśpiačeńnia, vodaadviadzieńnia (kanalizacyi), spažytyja zvyš ustanoŭlenaha abjomu, biarecca pa ŭstanoŭlenych taryfach, što zabiaśpiečvajuć poŭnuju kampiensacyju ekanamična abhruntavanych zatrat na ich akazańnie (dadatak 3 da pastanovy Savieta ministraŭ ad 4 lutaha 2011 hoda № 138).

Jak zaznačyli ŭ pres-słužbie, uviadzieńniu hetaj normy papiaredničaŭ analiz vodaspažyvańnia ŭ Biełarusi. Jon pakazaŭ, što faktyčnaje ŭdzielnaje spažyvańnie vady ŭ dobraŭparadkavanym žyllovym fondzie, abstalavanym pryborami indyvidualnaha ŭliku raschodu vady, skłała ŭ 2010 hodzie pa Minsku i abłasnych centrach 153 litry na čałavieka ŭ sutki, pa nasielenych punktach z kolkaściu nasielnictva bolš jak 50 tys. čałaviek — 141 litr na čałavieka ŭ sutki i nabliziłasia da pakazčykaŭ raźvitych jeŭrapiejskich krain. U Hiermanii, Francyi, Šviecyi hety pakazčyk składaje 130–140 litraŭ na čałavieka ŭ sutki.

Va ŭradzie miarkujuć, što ŭviadzieńnie dyfierencyravanaj apłaty za pasłuhi vodazabieśpiačeńnia i vodaadviadzieńnia pryviadzie da ekanomii hetych pasłuh samim nasielnictvam i, adpaviedna, źnižeńnia abjomaŭ ich realizacyi na 6–6,5% (21–22 młn. kub. m vady), što adpaviadaje abjomu spažyvańnia abłasnoha centra, takoha jak Mahiloŭ, Hrodna, Viciebsk.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH