Donald Tusk, Anhieła Mieprkiel, Chierman van Rampiej, fota gazeta.pl
Prem'
U vypadku vykanańnia hetych prapanovaŭ Biełaruś moža raźličvać na dapamohu ŭ pamiery 9 miljardaŭ dalaraŭ. Heta najpierš hranty i kredyty ad suśvietnych bankaŭ — MVF, Jeŭrapiejskaha banka rekanstrukcyi i raźvićcia.
U pakiet prapanovaŭ uvachodzić vyzvaleńnie i reabilitacyja palitviaźniaŭ, pieramovy ŭłady z apazicyjaj, volnyja parłamienckija vybary. Patrabavańnia adstaŭki Łukašenki siarod patrabavańniaŭ niama.
«Upieršyniu situacyja, kali Jeŭrasajuz salidarna i rašuča stavić umovu realnych, nie radykalnych, źmienaŭ u Biearusi. Heta minimum patrabavańniaŭ, kab razmova viałasia», — kaža Donald Tusk. Na jahonuju dumku, Biełaruś moža vyjści z «dramatyčnaj situacyi» tolki pry vonkavaj dapamozie, adnak, kab hetaja dapamoha była patrebnaja minimalnaje vykanańnie pravoŭ čałavieka.
Tusk adznačyŭ, što hetyja hrošy mohuć dapamahčy Biełarusi vyjści z składanaj ekanamičnaj situacyi, umacavać kurs nacyjanalnaj valuty.
«Jeŭropa dasłała Minsku vielmi mocny sihnał», — skazaŭ staršynia Jeŭrasajuza Chierman van Rampej. Pa jaho słovach, Jeŭrasajuz zacikaŭleny ŭ demakratyčnaj Biełarusi.
zajaviŭ jon. Jon miarkuje, što heta ničoha nie źmienić u daŭžejšaj pierśpiektyvie. Rezka krytyčna pastaviłasia da prapanovy iEks-kandydat u prezidenty Biełarusi Aleś Michalevič krytyčna adhuknuŭsia nakont hetaj prapanovy: «Heta handal z terarystam», —
«Tusk prapanuje madernizavać biełaruskuju dyktaturu» — tak zahałovak daŭ paviedamleńniu sajt Charter97.org.
- Nahadajem, što siońnia Biełaruś aficyjna admoviłasia ad udziełu ŭ samicie Uschodniaha partniorstva.
«Napiaredadni samita Uschodniaha partniorstva jaho arhanizatary pajšli na biesprecedentnyja dyskryminacyjnyja miery ŭ adnosinach da Biełarusi. Jany admovilisia nakiravać zaprašeńnie kiraŭniku biełaruskaj dziaržavy, — havorycca ŭ zajavie MZS. — Śledam za hetym pryznačany Biełaruśsiu kiraŭnik jaje delehacyi byŭ abmiežavany va ŭdziele ŭ mierapryjemstvach samita».
MZS rasceńvaje hetyja dziejańni jak «najbolš hrubaje parušeńnie bazavych pryncypaŭ Uschodniaha partniorstva, uzhodnienych na pieršym samicie ŭ Prazie ŭ 2009 hodzie». U zajavie padkreślivajecca: «Rašeńni samita, jakija zakranajuć intaresy Respubliki Biełaruś i pryniatyja biez pramoj zhody našaj krainy, buduć nielehitymnyja. Biez udziełu Biełarusi značnaść partniorstva surjozna stračvajecca».
* * *
Staŭleńnie Jeŭropy da Alaksandra Łukašenki budzie takim ža, jak jaho staŭleńnie da biełaruskaj apazicyi. Pra heta zajaviŭ u čaćvier napres-kanfierencyi ŭ Varšavie ministr zamiežnych spraŭ Polščy, jakaja staršynstvuje ŭ Jeŭrasajuzie, Radasłaŭ Sikorski paśla sustrečy z delehacyjaj biełaruskaj apazicyi.
Kiraŭnik polskaha zamiežnapalityčnaha viedamstva źviarnuŭsia z pasłańniem da Alaksandra Łukašenki.
«Majo pasłańnie da prezidenta Łukašenki nastupnaje: vašy adnosiny ź Jeŭropaj buduć takimi ž, jakimi buduć vašy adnosiny ź ludźmi. Pakul ludzi ŭ Biełarusi buduć padviarhacca represijam, pahłyblenyja adnosiny ź Jeŭrasajuzam, a tym bolš ekanamičnaja dapamoha, nie buduć mahčymyja», — zajaviŭ Sikorski.
U toj ža čas, pavodle słoŭ ministra, Polšča hatova stać pieršaj «u łabiravańni samaha ščodraha mahčymaha pakieta dapamohi dla Biełarusi, kali jaje ŭłada navučycca pavažać pravy svaich hramadzian».
Sikorski taksama paviedamiŭ, što Polšča pieradaje 1 miljon jeŭra ŭ metavy Fond Uschodniaha partniorstva dla akazańnia padtrymki hramadzianskaj supolnaści Biełarusi.
Pierad Łukašenkam staić vybar: «iści pa šlachu demakratyi ci pa šlachu tych dyktataraŭ, jakija stracili ŭładu ŭ roznych krainach u apošnija miesiacy», zajaviŭ kiraŭnik polskaha MZS.
Nahadajem, 29–30 vieraśnia ŭ Varšavie prachodzić samit Uschodniaha partniorstva. Siońnia
Radasłaŭ Sikorski i kamisar Savieta Jeŭropy pa pravach čałavieka Tomas Chamarbierh sustrelisia z členami biełaruskaj apazicyjnaj delehacyi, u skład jakoj uvachodziać Uładzimir Niaklajeŭ, Anatol Labiedźka, Juryj Hubarevič, Siarhiej Kalakin, Vital Rymašeŭski i inšyja palityki, a taksama svajaki palitźniavolenych — siastraeks-kandydata ŭ prezidenty Andreja Sańnikava Iryna Bahdanava i hramadzianskaja žonka jašče adnaho byłoha kandydata, Mikałaja Statkieviča, Maryna Adamovič.Jany sustrelisia taksama z kanclerkaj Niamieččyny Anhiełaj Mierkiel.
