Pad Baranavičami ŭ łabavym sutyknieńni z MAZam zahinuŭ kiroŭca mikraŭtobusa. Fota Intex-press.by.
Na Partyzanskim praśpiekcie MAZ urezaŭsia ŭ ścianu Doma bytu. Fota Auto.onliner.by.
Na Kalvaryjskaj lehkavik ŭrezaŭsia ŭ pieraviornyty ad zanosu MAZ. Fota Auto.onliner.by. Bolš zdymkaŭ tut.
Za apošnija dva dni ŭ krainie zafiksavanyja niekalki darožna-transpartnych zdareńniaŭ ź ciažkimi nastupstvami, u jakija trapili hruzaviki MAZ.
29 vieraśnia pad Baranavičami ŭ vioscy Zornaja MAZ vyjechaŭ na sustrečnuju pałasu i łob u łob sutyknuŭsia ź mikraaŭtobusam «Folksvahien», paviedamlaje hazieta «Intex-press». Kiroŭca apošniaha pamior pa darozie ŭ balnicu. Vadziciel MAZa, jak vyśvietliłasia, ŭ lipieni byŭ pazbaŭleny paśviedčańnia na try hady.
U toj samy dzień u Minsku na Partyzanskim praśpiekcie kiroŭca MAZa nie spraviŭsia z kiravańniem i vyjechaŭ pa-za miežy darohi. Hruzavik urezaŭsia ŭ nievialikija prystupki Doma bytu. Mužčyna byŭ ćviarozy, u vyniku zdareńnia nichto nie paciarpieŭ, adznačaje partał Auto.onliner.by.
Ranicaj 30 vieraśnia ŭ Minsku na vulicy Kalvaryjskaj u vyniku zanosu pieraviarnuŭsia MAZ, paviedamlaje Auto.onliner.by. U jaho ŭrezałasia «Tajota», jakaja ŭ vyniku sutyknieńnia začapiła «Aŭdzi». Paciarpieli kiroŭca «Tajoty» i jaje pasažyrka, a taksama kiroŭca hruzavika.
